Almatyda ótip jatqan Qazaqstan musylmandary dini basqarmasy Ǵulamalar keńesiniń XXIV májilisinde ekinshi «Pátýalar jinaǵy» kitabynyń tusaýkeser rásimi ótti, – dep habarlaidy «Ult aqparat».
Qazaqstan musylmandary dini basqarmasy málimetinshe, Ǵulamalar keńesi ázirlegen, osymen ekinshi ret oqyrmanǵa jol tartqan ekinshi jinaqta qazirgi qoǵamda kóp talqylanyp júrgen keibir máselelerdiń shariǵi sheshimi men pátýasy toptastyrylǵan. Bul eńbek din qyzmetindegi imamdarǵa, bilim-tárbie salasynyń qyzmetkerlerine jáne jalpy musylman jurtshylyǵyna arnalǵan.
MUFTIYAT baspasynan shyqqan «Pátýalar jinaǵy» ekinshi kitabynyń jaýapty redaktory, naib múfti – Ershat qajy Aǵybaiuly. Al baspaǵa daiyndaǵandar – QMDB Shariǵat jáne pátýa bóliminiń mamandary - Hasan Amanqulov, Baýyrjan Ábdýaliev, Medet Qursaqov.
Kitapqa Aqparat jáne qoǵamdyq damý ministrligi men QMDB-nyń saraptaý komissiiasynyń oń qorytyndysy berilgen. Basqosýda sóz alǵan naib múfti, Ǵulamalar keńesiniń hatshysy, PhD doktory Ershat qajy Ońǵarov qundy kitapta jazylǵan pátýalardyń musylman jamaǵatynyń rýhani ómirinde alatyn orny men rólin airyqsha atap ótti.
Bas múfti Serikbai qajy Satybaldyuly kitapty shyǵaryp bergen QMDB «Zeket» qory ujymyna, qor direktory Talǵat Omarovqa airyqsha alǵysy men riiasyz rizashylyǵyn bildirdi.
