Foto: chausynews.by
Búginnen bastap Ekibastuzdaǵy balabaqshalar, mektepter men kolledjder qalypty rejimde jumys istep jatyr. Jylý az berilgen bes mektep qana ázirge jabyq tur, dep habarlaidy Sputnik Qazaqstan qala ákimdiginiń bilim bólimine silteme jasap.
11, 12, 21, 23, 24 mektepterdi qospaǵanda, 17 qańtardan bastap balabaqshalar, mektepter men kolledjder ádettegidei jumys istep jatyr. Al atalǵan bes mektepte aýa temperatýrasynyń kórsetkishteri áli de sanitarlyq talaptarǵa sai emes.
"Ektbastuzjylýenergo" JShS keshe Nuralin, 154 úi mekenjaiyndaǵy jylý jelilerinde josparly jumystar júrgizilgenin habarlady. Munda oramishilik jylý jelisi jańa jóndeýden ótken jelige qaita qosylyp jatyr. Sonymen qatar Drýjba kóshesi, 20 mekenjaiynda (jer asty tósemindegi jylý jelisin aýystyrý), Kenshiler kóshesi, 16 mekenjaiynda (jylý jelisin aýystyrý), Gridina kóshesi, 154 mekenjaiynda (jerasty tósemindegi aqaýlardy joiý) da tiisti jumystar júrgizildi.
JEO-da 5, 6, 11, 15 qazandyq agregattarynda jóndeý-qalpyna keltirý, sonymen qatar stantsiianyń negizgi jáne qosalqy jabdyqtaryn jóndeý jáne mehanikalyq óńdeý jumystary júrgizilip jatyr.
"Munda jóndeý jumystary túnde de jalǵasyp jatyr", - dep jazylǵan habarlamada.
