Foto:Pavlodar oblysy PD baspasóz qyzmeti
Ekibastuzda esirtkige mas bolǵan júrgizýshi jol apatyn jasady, dep habarlaidy "Ult aqparat" Polisia.kz-ke silteme jasap.
26 jeltoqsan túngi ýaqytta 32 jastaǵy VAZ júrgizýshisi Kenshiler kóshesimen kele jatyp, aǵashqa soǵylǵan. Apat saldarynan 20 jastaǵy jolaýshy oqiǵa ornynda qaza bolyp, 29 jastaǵy jolaýshy aýrýhanaǵa jatqyzylǵan.
Foto: Pavlodar oblysy PD baspasóz qyzmeti
Meditsinalyq kýálandyrý qorytyndysyna sáikes, júrgizýshi esirtkige mas bolǵan. Onyń kólik basqarý quqyǵy joq ekendigi de anyqtaldy.
Avtokólik mamandandyrylǵan turaqqa qoiylǵan.
Birqatar saraptamalar taǵaiyndaldy. Tekserý jumystary júrgizilip jatyr.
