©instagram/poiskoviki_pavlodara_vita
Ekibastuzda eriktiler 15 jyl buryn bir-birinen ajyraǵan uly men anasyn kezdestirýge kómektesti, - dep habarlaidy Tengrinews.kz portaly Pavlodar-onlain saityna silteme jasap.
Igor balalar úiinde tárbielendi, anasy ata-ana quqyǵynan aiyryldy. Osyǵan qaramastan jigit anasyn tabýdan úmitin úzgen joq. Sol úshin ol "Vita" jasaǵynyń eriktilerinen kómek suraǵan.
Áieldi tabý úshin biraz ýaqyt qajet boldy, biraq kópten kútken kezdesý ótti. Eriktiler Instagram-paraqshasynda áserli sáttiń videosyn jariialady.
"Birneshe ai buryn ekibastuzdyq eriktilerge anasyn tabýǵa kómektesýin ótingen jigit júgindi. Áiel ata-ana quqyǵynan aiyrylyp, bala jetimder úiine túsken. Soǵan qaramastan Igor anasyn kórgisi kelgen. Jigittiń aitýynsha, Ekaterina Aleksandrovnanyń sońǵy turǵan jeri - Ekibastuz qalasy, sondyqtan ol jergilikti eriktilerge júgingen", - dedi izdeýge kómektesken eriktiler.
Eriktiler uly men anasynyń kezdesýin jańajyldyq ǵajaiyp dep ataidy.
"Bizdiń eriktilerge áieldi tabý úshin biraz ýaqyt qajet boldy, ony izdeý týraly beinerolikti jergilikti telearnalar jáne biz áleýmettik jeliler arqyly tarattyq. Ǵajaiyp sát jetti - 15 jyldan keiin kópten kútken kezdesý boldy. Áieldiń áreketi men balanyń jetimder úiine túsýiniń sebebin baǵalaityn biz emes. Bir nárse anyq: olar bul kezdesýdi asyǵa kútti. Jańa jyl qarsańynda jigitke ǵajaiypqa senýge kómekteskenimizge qýanyshtymyz", - deidi izdeýshiler.
