Foto: freepik
Ekibastuz turǵyndary áleýmettik jelide páter jylynbai turǵanyna, sýdyń salqyndaǵanyna shaǵymdandy. "EkibastuzTeploEnergo" kompaniiasy jabdyqtyń isten shyqqanyn rastady, dep habarlaidy Sputnik Qazaqstan.
"Qys bastalǵaly kúni-túni jylytqyshpen otyrdyq. Uialmai jylý paidalandyńdar dep túbirtek jiberedi". "Úide temperatýra 17 gradýstan joǵary kóterilgen joq. Qazir tipti 7-8 gradýs", dep jazdy turǵyndar.
Jergilikti jurtshylyq kómek surap otyr.
Kúni keshe Ekibastuz qalasynyń ákimi Aian Beisekin "Ekibastuz qalasynyń JEO-sy shtattyq rejimde jumys istep jatyr" dep jazdy. Bul halyq narazylyǵyn odan saiyn údete tústi.
Juma kúni "EkibastuzTeploEnergo" kompaniiasy jabdyqtyń isten shyqqanyn rastaǵan bolatyn.
