Foto: TJM baspasóz qyzmeti
Pavlodar oblysy TJD qyzmetkerleri Ekibastuzdaǵy apat saldaryn joiýǵa jumyldyryldy, dep habarlaidy "Ult aqparat" Tótenshe jaǵdailar ministrligine silteme jasap.
"3 qańtarda saǵat 06.00-den bastap Ekibastuz garnizonynyń qutqarýshylary kúshimen zaqymdalǵan ýchaskeden sýdy soryp shyǵarý jumystary júrgizilip jatyr. Saǵat 11-00-de «Qalalyq sý arnasy» MKK jáne «Injenerlik jeliler» JShS qyzmetkerleri zaqymdalǵan ýchaskeni aýystyrý jáne diametri 500 mm tehnikalyq sý qubyryn ajyratý boiynsha jóndeý jumystaryn bastady.
Qalada jylý jáne sýmen jabdyqtaý shtattyq rejimde júrip jatyr (5 qazandyq agregaty jumys istep tur jáne 5-eýi rezervte). Syrtqy aýa temperatýrasy - 2 S.
Avariia ornyna TJD, «Qalalyq sý arnasy» MKK-dan 58 adam jáne 16 tehnika men quraldary jumyldyrylǵan. Qazirgi ýaqytta sýdy parallel aidaý arqyly mýftalardy qosý júrgizilýde" - delingen habarlamada.
Saǵat 16:00-degi jaǵdai boiynsha jylý jelisin qorektendirý rezervýarlaryndaǵy sý deńgeii – 7,5 metr, syni kórsetkish – 1,6 metr. JEO rezervýarlaryn qýattandyrý saǵatyna 900 tonnany quraidy (jylý jelilerin qýattandyrý – saǵatyna 600 tonna). Qorektendirý diametri 150 mm (saǵatyna 150 tonna) aýyz sý qubyrynan júrgizilip tur.
Pavlodar oblysy TJD baspasóz qyzmetinen málimetinshe, vahtalyq jáne komandalyq-shtabtyq mashina (KÝNG) bazasynda jylytý pýnkti ashylǵan, sondai-aq «Vita» volonterleri ystyq tamaqpen qamtýdy uiymdastyrdy. Avariia ornynda oblystyq ákimdik jáne Tótenshe jaǵdailar departamentiniń basshylyǵy bar.
