Foto: @Pavlodarnews.kz
Ekibastuzda taǵy da tótenshe jaǵdai boldy, dep habarlaidy Azattyq Rýhy QR Tótenshe jaǵdailar ministrliginiń baspasóz qyzmetine silteme jasap.
Búgin, 30 jeltoqsanda saǵat 16:00 kezinde «qalalyq sý arnasy» MQK sý tazalaý qurylǵylary ornalasqan aýmaqta mekeme qyzmetkerleri jóndeý jumystaryn júrgizip jatqanda (topyraqtan sý shyǵyp jatqan) tehnikalyq sý júiesiniń diametri 500 mm bolatyn (plastikalyq qubyr, JEO-ǵa saǵatyna 700 tonna sý jiberýge arnalǵan) bóligine zaqym kelgen.
Sonyń saldarynan JEO-ǵa sý barmai qalǵan. Qazirgi tańda sý diametri 150 mm bolatyn aýyzsýǵa arnalǵan qubyr arqyly (saǵatyna 150 tonna) jiberilip jatyr.
JEO-ǵa sý jiberetin ydystaǵy sýdyń deńgeii 50 metr. Oqiǵa bolǵanǵa deiin 6,5 metr (6 500 tekshe metr) bolǵan. Júiede bolǵan apat saldarynan ydystardaǵy sý deńgeii 2 saǵatta 1 metrge tómendep bara jatyr. Oqiǵa bolǵanǵa deiin jylý jelisine jiberiletin sý kólemi saǵatyna 600-700 tonna bolsa, qazirgi tańda ol saǵatyna 600 tonna bolyp otyr.
Jylý men sý qazir shtattyq jaǵdaida berilip jatyr. «Qalalyq sý arnasy» mekemesi jáne Tótenshe jaǵdailar departamentiniń kúshteriniń kómegimen sý sorǵytylyp, aǵyp ketetin jerleri bekitilip jatyr. Bul jumystarmen 20 adam, 2 tehnika jáne 4 motopompa jumys istep jatyr.
Oqiǵa ornyna qala ákimi men Pavlodar oblystyq Tótenshe jaǵdailar departamentiniń basshylary shyqty.
