Ekibastuzda segiz jasar qyz abaisyzda akkýmýliator qyshqylyn iship qoiǵan. Kámeletke tolmaǵan bala aýrýhanaǵa jatqyzyldy, dep habarlaidy Pavlodarnews.kz.
Oblystyq politsiia departamenti baspasóz qyzmetiniń málimetinshe, óńirde ótken táýlikte eki jazataiym oqiǵa tirkelgen. Qaiǵyly oqiǵa saldarynan eki adam zardap shekti.
«Máselen, 12 tamyz kúni saǵat 09.40-ta Ekibastuz qalasynyń aýrýhanasyna 2013 jyly týǵan kámeletke tolmaǵan bala jatqyzyldy. Ol óz úiinde abaisyzda akkýmýliator qyshqylyn ishken», - dedi baspasóz qyzmetinde.
Sol kúni saǵat 09.10-da Ekibastuz qalasyndaǵy páterde 41 jastaǵy turǵyn abaisyzda ammiak qyshqylyn ishken. Er adam aýrýhanaǵa jatqyzyldy.
