Sátbaev atyndaǵy sý arnasyndaǵy iri órt saldarynan sorǵy stantsiiasy 270 mln teńge shyǵynǵa ushyrady. №2,3,4,5 sorǵy stantsiiasynyń qyzmeti toqtatyldy, dep habarlaidy "Ult aqparat" Pavlodarnews.kz-ke silteme jasap.
Oblystyq TJD baspasóz qyzmetiniń málimetinshe, aǵymdaǵy jyldyń 29 tamyzynda «Sátbaev sý arnasy» ShJQ RMK filialynyń №2 sorǵy stantsiiasynda órt shyqqany týraly habarlama túsken. Sorǵy Ekibastuz qalasynan 35 km qashyqtyqta ornalasqan.
- Oqiǵa ornyna kelgen kezde tórt deńgeili temir beton sorǵy ǵimaratynyń 3-shi jáne 4-shi deńgeide segiz uiashyqtan turatyn baqylaý-taratý qurylǵysy, aǵash esik, jalpy alańy 150 sh. m. aǵash qabyrǵalardyń qaptamasy, 100 qýma metr oqshaýlaý kúshtik kabeldiń janýy anyqtaldy, - deidi departamentte.
30 tamyzda órt saldarynan birneshe agregat isten shyqqan. Materialdyq shyǵyn 270 mln teńgeni qurady. Osyǵan bailanysty aǵymdaǵy jyldyń 31 tamyzynda Ekibastuz qalasy ákiminiń tóraǵalyǵymen tótenshe jaǵdailar jónindegi qalalyq komissiianyń kezekten tys otyrysyn ótkizip, jergilikti aýqymdaǵy tótenshe jaǵdai jariialaý josparlanǵan. Keiinnen qaýly Ekologiia, geologiia jáne tabiǵi resýrstar ministrligine sorǵyny jóndeýge qarjy bólý týraly joldanady.
Sorǵy stantsiiasynyń basshysy V. Egerdiń aitýynsha, jóndeý jumystary shamamen 10 kúnge sozylady, eldi mekenderge qaýip tónbeidi. Qazirgi ýaqytta Ekibastuz sý qoimasynda 17 mln tekshe sý, Ekibastuz qalasynyń sýdy tutynýdyń ailyq normasy 1,7 mln tekshe quraidy. Qaraǵandy oblysy úshin de qaýip joq.
