videodan alynǵan kadr
Ekibastuzdaǵy kóshelerdiń birinde apat boldy. Jylý trassasyndaǵy jóndeý jumystary kezinde tyǵyn ashylyp ketip, sý jolǵa aqty, - dep habarlaidy Tengrinews.kz.
Jol boiyndaǵy qaita jóndeýden ótken aýmaqty tolyǵymen sý basqan. Áleýmettik jelilerde kommýnaldyq apattyń videosy tarap jatyr.
Ekibastuz qalasy ákimdiginiń málimetinshe, 18 mamyrda saǵat 06.30-da Máshhúr Júsip kóshesi boiynda diametri 820 millimetr bolatyn TM-2 rekonstrýktsiialanǵan ýchaskesiniń tyǵynynda zaqym anyqtalǵan.
"Qazirgi ýaqytta ýchaske ajyratyldy, joiý boiynsha jumystar júrgizilip jatyr. Merdiger uiymnyń "Ekibastuztealoenergo" JShS jóndeý personaly jumysqa tartyldy, jumystardy aiaqtaýdyń josparlanǵan merzimi saǵat 14.00-ge deiin", - dep jaýap berdi Ekibastuz ákimdigi ókilderi.
Al Pavlodar oblysynyń ákimdigi paralleldi transheialardan sýdy sorý jumystary júrgizilip jatqanyn, odan keiin jóndeý jumystary jalǵasatynyn qosty.
