Foto: t.me/kereksoyle
Ekibastuzda óndiristik kásiporyndardyń birinde jumysshylar mingen avtobýs jol apatyna ushyrady. Jolaýshylarǵa meditsinalyq kómek kórsetilip jatyr, - dep habarlaidy «Ult aqparat» Tengrinews.kz -ke silteme jasap.
Zardap shekkenderdiń naqty sany áli habarlanǵan joq. Jergilikti Telegram-arna jariialaǵan sýrette kómir kásiporyndarynyń biriniń aýmaǵynda JKO bolǵanyn kórýge bolady. Avtobýstyń aldyńǵy jaǵy qirap, aldyńǵy áinegi synǵan.
"Ekibastuzda JShS-niń biriniń aýmaǵynda júrgizýshi PAZ avtobýsyn tizgindei almai jol shetine aýdarylyp qalǵan. Avtobýs salonynda JShS-niń 24 qyzmetkeri boldy. JKO saldarynan qaza tapqandar joq, sol jerde zardap shekkenderge meditsinalyq kómek kórsetiledi", - dep túsindirdi Pavlodar oblysy Politsiia departamentiniń baspasóz qyzmeti.
Densaýlyq saqtaý basqarmasynyń málimetinshe, qazir zardap shekkenderdi dárigerler tekserip jatyr.
"Aýyr jaǵdai joq", - dep sendirdi Pavlodar oblysynyń densaýlyq saqtaý basqarmasy.
