Foto: ©️ Tengrinews.kz
Ekibastuzda 7 jasar Milana Davydovany jerleý rásimi ótti. Qaitys bolǵan qyz úsh kún boiy izdestirildi, - dep habarlaidy Tengrinews.kz saity.
Milanamen qoshtasýǵa júzdegen adam keldi. Jerleýge qyzdyń ákesi, jaqyn týystary, eriktiler, jergilikti ákimdik ókilderi jáne Ekibastuz turǵyndary qatysty.
Aqtyq saparǵa shyǵaryp salý rásimi qalalyq máiithanada ótti. Jinalǵandardyń keibiri qatty ýaiymdap, kómek suraýǵa májbúr bolǵan.
Milana Davydova 21 qarashada Ekibastuzdaǵy eski ziratqa jerlendi.
Ekibastuzdyqtar marqum Milanaǵa gúlder men oiynshyqtar ákeldi.
Eske salaiyq, 17 qarashada Pavlodar oblysynyń Besqaýǵa aýylynda jeti jasar Milana Davydova joǵalyp ketti. Anasynyń aitýynsha, qyzyn izdestirip taba almaǵan soń, ol politsiiaǵa habarlasqan.
Óńirde 500-den asa adam: eriktiler, kinologtar qatysqan izdeý jumystary júrgizildi. Júzden asa tehnika, sondai-aq "Qazaviaqutqarý" tikushaǵy jumyldyryldy.
Pavlodar oblysyna basqa qalalardan da eriktiler keldi.
Milana Davydovanyń denesi 19 qarashada tabyldy. Jedel izdestirý jáne tergeý sharalary barysynda kámeletke tolmaǵan qyzdyń joǵalýynyń mán-jaiy men sebepteri anyqtaldy. Kúdikti retinde qyzdyń anasy men onyń tanysy ustaldy.
