sýret ashyq derekkózden alyndy
Ekibastuz jylý elektr ortalyǵyna "ólshem birligin" buzǵany úshin 3 million teńgege jýyq aiyppul salyndy, - dep habarlaidy Tengrinews.kz Saýda jáne integratsiia ministrliginiń baspasóz qyzmetine silteme jasap.
2023 jylǵy qańtarda saýda ministrligi Tehnikalyq retteý jáne metrologiia komitetiniń Pavlodar oblysy boiynsha departamenti Ekibastuz prokýratýrasymen birlesip Ekibastuz JEO qyzmetin metrologiia salasyndaǵy zańnamalyq aktilerde belgilengen talaptardy saqtaý boiynsha tekserýge qatysqany habarlandy.
"Tekserý barysynda synaý aralyǵy buzylǵany jáne tekserý merzimi ótken ólsheý quraldary paidalanylǵany anyqtaldy, mysaly: tehnikalyq manometrler, qysymdy túrlendirgishter, voltampermetr, megaommetr. Ólshem quraldaryn salystyrýsyz paidalaný "Ólshem birligin qamtamasyz etý týraly" zańnyń 19-baby 1-tarmaǵyn buzý bolyp tabylady", - dedi ministrliktiń baspasóz qyzmeti ókilderi.
Osy zańbuzýshylyq boiynsha ákimshilik jaýapkershilik – 1 600 AEK – 5 520 000 teńge aiyppul qarastyrylǵany atap ótildi.
"Ekibastuz prokýratýrasynyń zańbuzýshylyqtardy joiý týraly usynysy negizinde basqarma qyzmetkerleri ákimshilik quqyq buzýshylyq týraly hattama toltyrdy.
Ekibastuz JEO-nyń zańbuzýshylyq jasaý deregin moiyndaýyna bailanysty ÁQBtK-niń 811-babyna sáikes jeti táýlik ishinde qysqartylǵan is júrgizý tártibimen 2 760 000 teńge mólsherinde ákimshilik aiyppul tóleý týraly uiǵarym shyǵaryldy. Qazirgi ýaqytta ákimshilik aiyppul tolyq kólemde tólendi", - delingen habarlamada.
