Foto: Tengrinews.kz
Ekibastuz JEO-da túnde apat saldarynan úsh qazandyq toqtady, - dep habarlaidy Tengrinews.kz agenttigi.
7 qańtarǵa qaraǵan túni Ekibastuz úileriniń bir bóliginde jylý batareialary sýyp qalǵan. "Pavlodarenergo" AQ ókili jylý parametrleriniń tómendeýi shtattan tys jaǵdaiǵa bailanysty bolǵanyn túsindirdi.
"7 qańtarǵa qaraǵan túni Ekibastuz JEO-da shtattan tys jaǵdai boldy. Úsh jumys isteitin qazandyq toqtatyldy", - dedi "Pavlodarenergo" AQ Bas direktorynyń m.a. Vadim Lesin.
Onyń aitýynsha, stantsiia qyzmetkerleri apatty tez arada qalpyna keltirgen. Tańerteń eki qazandyq iske qosylǵan.
"Qazir jumysta bes qazandyq agregaty bar. Qala temperatýrasy 47 gradýsqa deiin tómendedi. Qazir ol kóterilip jatyr. Jaǵdai baqylaýda qalady jáne turaqtanady. Táýliktiń sońyna qarai taǵy bir qazandyq agregatynyń jóndeýden shyǵýyn kútemiz", - dedi Lesin.
