©️ polisia.kz
Turǵyn úige qaraqshylyq shabýyl jasaǵan qylmystyq top ustaldy, - dep habarlaidy «Ult aqparat» Polisia.kz saityna silteme jasap.
Bes kúdikti ýaqytsha ustaý izoliatorynda qamaýda.
"Bir mezgilde Ekibastuz jáne Pavlodardyń ózinde pavlodarlyq áriptestermen birge tórt adamdy ustadyq. Besinshi sybailasy elordada ustaldy. Turǵyn úige zańsyz kirý arqyly jasalǵan qaraqshylyq shabýyl deregi boiynsha sotaldy tergep-tekserý bastaldy. Qazirgi tańda barlyq qajetti tergeý áreketteri júrgizilip jatyr", – dedi Qostanai oblysy PD bastyǵynyń orynbasary Negmet Ismagýlov.
Qańtardyń basynda Qarasý aýylynda meditsinalyq betperde kigen belgisiz tulǵalar jergilikti turǵynnyń úiine kirip, zorlyq-zombylyq kórsetip, oǵan dene jaraqattaryn salǵan.
"Odan jalpy somasy 650 myń teńge turatyn altyn buiymdaryn tartyp alǵan. Ustalǵandardyń basqa da osyǵan uqsas qylmystarǵa qatysy bar-joǵy tekserilip jatyr", - delingen habarlamada.
Kúdiktilerge aýyr qylmys jasaǵany úshin múlki tárkilenip, jeti jyldan on eki jylǵa deiin bas bostandyǵynan aiyrý qaýpi tónip tur.
