Ekibastuzdaǵy indýstriialyq aimaqty elektr energiiasymen qamtamasyz etý úshin jańa elektr stansasy salynady, dep habarlaidy QazAqparat.
Bul týraly Energetika ministri Maǵzum Myrzaǵaliev Úkimet otyrysynda málim etti.
«Úshinshi joba týraly aitatyn bolsaq, qýaty 500 kilovolt bolatyn jańa kishi stantsiia salý qarastyrylǵan. Ekibastuz qalasynyń indýstriialyq aimaǵyn elektrmen jabdyqtaý eki jańa elektr berý jelisin salý jolymen júzege asyrylatyn bolady. Jobany iske asyrýshy – «KEGOC» aktsionerlik qoǵamy. Bul joba indýstriialyq aimaq tutynýshylaryn elektr energiiasymen qamtamasyz etý maqsatynda iske asyrylýda. Jobanyń boljamdy quny shamamen 16 mlrd teńgeni quraidy», - deidi ministr.
Onyń sózine qaraǵanda, joba 2025 jyly aiaqtalýǵa tiis.
«Búgingi tańda «KEGOC» mekemesiniń tapsyrysymen tehnikalyq-ekonomikalyq negizdeme ázirleý boiynsha jumystar júrgizilýde. Jalpy negizdemeni 2022 jyldyń ekinshi toqsanynda aiaqtaý josparlanǵan», - dedi Energetika ministri.
