Meditsinalyq saqtandyrý júiesinen jinalǵan qarajat retseptýralyq dárilerdi tegin alýǵa múmkindik beredi. QR Densaýlyq saqtaý ministri Eljan Birtanov BAQ ókilderimen ótken brifingte osylai dep málim etti.
«Retseptýralyq dári-dármek naryǵy 300 mlrd teńgege jýyqtaidy. Búginge deiin biz sonyń úshten birin ǵana memleket esebinen jaýyp keldik. Balalar, onkologiia, týberkýlez, psihiatriia aýrýlaryn ǵana memleket óz moinyna alǵan bolatyn. Kelesi jyly meditsinalyq saqtandyrý júiesi tolyq engiziledi. Saqtandyrýdan jinaqtalǵan ashqanyń esebinen eki jyldyń ishinde barlyq emdelýshilerdi retseptýralyq dárimen qamtamasyz ete alamyz. Bul dáriger retseptke jazǵan kez kelgen dári meditsinalyq saqtandyrý esebinen tegin beriledi degen sóz», - dedi ol.
Vedomstvo basshysy tegin dárimen qamtý sala-sala boiynsha júrgiziletinin aitady.
«Kelesi jyldyń 1 qańtarynan bastap meditsinalyq saqtandyrý aiasynda balalarǵa taǵaiyndalatyn retseptýralyq dáriniń bári tegin bolady. Ary qarai bul qatardy tolyqtyra beremiz. Kelesi kezekte áleýmettik áljýaz toptardyń ókilderin tegin retseptýralyq dárimen qamtimyz. Olar memleket esebinen meditsinalyq saqtandyrylǵanyn bilesizder. Bul álemde bar tájiribe. Dáriger dári taǵaiyndaidy, al emdelýshi ony mindetti meditsinalyq saqtandyrý esebinen tegin alady», - dedi ministr.
