Olardyń ekeýi de Tólebi aýdanynyń turǵyny. Kámelettik jasqa tolmaǵan jasóspirimge jynystyq qol suǵýshylyqqa qarsy baptarda kózdelgen qylmys jasaǵan, dep habarlaidy QazAqparat.
Shymkent qalasy jáne Túrkistan oblysy boiynsha QAJ departamenti baspasóz qyzmetiniń málimetinshe, probatsiialyq baqylaýǵa alynǵan azamattyń biri - 16 jastaǵy qyzdy alyp qashqany úshin sottalǵan. Qazir jas kelinshegi bosanyp, uldy bolyp otyr.
«Men kámelet jasyna tolmaǵan qyzben otaý qurý zańǵa qaishy ekenin endi túsindim. Ekeýmizdiń kelisimimiz boiynsha úilengen jaǵdaida zań aldynda jaýap bermeitin bolarmyn dep oilaǵanmyn. Sot júktegen jazamdy buzbai ótep shyǵýǵa tyrysamyn. Kishkentai ulyma úlgili áke bolýdy armandaimyn. Kelesi jyly áielim 18-ge tolady. Sol kezde ekeýmiz nekemizdi qidyramyz. Óz áielińmen birge turyp, pedofil ataný qiyn eken», - deidi jazasyn óteýshi.
Qazir Shymkent qalasy men Túrkistan oblysy boiynsha sottalyp, probatsiialyq baqylaýda turǵan azamattarǵa taǵý úshin 91 elektrondy baqylaý qurylǵysy ákelindi. Mamandar olardyń birinshi kezekte pedofilderge taǵylatynyn aitady.
Sonymen qatar, bul tizimge probatsiialyq baqylaýda turǵanyna qaramastan, kóp eskertý alǵandar men tártipke baǵynbaǵandar engiziledi. Qylmys jasaǵany úshin izdeýde júrgender ustalǵan jaǵdaida, olarǵa da osy bilezikter taǵylmaq. Máselen, Shymkentke pilottyq úlgidegi quraldyń 49 túri ákelinip, 4 aýdanǵa bólingen. Al, Túrkistan oblysyna qarasty 16 probatsiia bólimshesine 42 elektrondy bilezik berilgen. Bul elektrondy bilezikter sottalǵandardy baqylaýǵa septigin tigizedi.
