Aýa raiynyń nasharlaýyna bailanysty eki óńirde birinshi aýysym úshin sabaqtar toqtatyldy, dep habarlaidy "Ult aqparat".
Atap aitqanda, Shyǵys Qazaqstan oblysynyń Óskemen (-28 gradýs aiaz) men Semei qalalarynda (-23 gradýs aiaz), Altai, (-30 aiaz) Borodýliha (-32 aiaz) jáne Ulan (-28 aiaz) aýdandarynda, Kýrchatov qalasynda (-23 aiaz), sondai-aq Jarma aýdanynyń (-30 aiaz) Jańǵyztóbe, Shýaq jáne Jaryq aýyldarynda 1-4 synyp aralyǵynda sabaqtar bolmaidy.
Al Shemonaiha, (-27 gradýs aiaz), Kókpekti (-30 aiaz), Besqaraǵai (-28 aiaz) aýdandarynda jáne Ridder qalasynda (-27 aiaz) 1-9 synyp oqýshylary mektepke barmaidy.
Zaisan aýdanynda kóktaiǵaqqa bailanysty 1-11 synyptar úshin oqý protsesi toqtatyldy.
Sondai-aq Qaraǵandy oblysynyń Shet aýdanynda 0-4 synyptar oqymaidy.
Aita keteiik, sinoptikter birneshe óńirde aýa raiynyń buzylatyny jóninde eskertý jariialaǵan bolatyn.
