Foto: ashyq derekkóz
Qostanai oblysynyń Qaratomar sý qoimasynan sekýndyna 3250 tekshe metr sý jiberilip jatyr, sý qoimasy 99%-ǵa toldy, tranzittik rejimde jumys istep jatyr, sý jiberý kólemi ulǵaiýy múmkin. Qostanai oblysynda sý tasqyny jalǵasýda, dep habarlaidy «Ult aqparat» jazady Sý resýrstary jáne irrigatsiia Ministrligine silteme jasap.
Soltústik Qazaqstan oblysynda Sergeev sý qoimasynan sekýndyna 3820 tekshe metr sý jiberiledi, Petropavl sý qoimasynan sekýndyna 73 tekshe metr sý jiberiledi, eki sý qoimasy da 100% toly. Oblysta sý tasqyny jalǵasyp jatyr.
Qazir osy oblysqa sý resýrstary jáne irrigatsiia ministri Nurjan Nurjigitov baryp, sý ótkizýdi retteý jumysyn jeke qadaǵalap júrgenin atap ótemin.
Aqmola oblysyndaǵy Astana sý qoimasy tranzittik rejimge kóshti, qazir sekýndyna 400 tekshe metr sý jiberiledi jáne týra sol kólemde sý kelip jatyr. Aqmola oblysynyń Seletin sý qoimasynan sekýndyna 150 tekshe metr sý jiberiledi. Nysan 99,4%-ǵa toldy.
Batys Qazaqstan oblysynda áli kúnge deiin Shaǵan ózeni deńgeiiniń kóterilýi baiqalady, munda sekýndyna 680 tekshe metr sý jiberilip jatyr, Derkól ózeni boiynsha sý deńgeii tómendedi. Jaiyq ózeninde sý tasqynynyń ekinshi tolqyny kútiledi.
Sý resýrstary jáne irrigatsiia ministri Nurjan Nurjigitovtiń reseilik áriptesterimen almasyp jatqan derekterine súiensek, búginde Iriklin sý torabynan sekýndyna 1680 tekshe metr sý jiberiledi, eń joǵarǵy belgi 4 sáýirde – sekýndyna 2600 tekshe metr bolǵan.
Sý resýrstary jáne irrigatsiia ministrliginiń qyzmetkerleri Batys Qazaqstan jáne Atyraý oblystary ákimdikteriniń mamandarymen birge Jaiyq ózeniniń arnasyn tazartý jáne sý basýdy azaitý úshin keptelistiń aldyn alý boiynsha jumys júrgizýde.
Qazirgi ýaqytta Aqtóbe oblysynyń sý qoimasynda jaǵdai turaqty. Nysan 97% toly, sekýndyna 50 tekshe metr sý jiberilip jatyr. Qarǵaly sý qoimasy tranzittik rejimde jumys istep jatyr. Sý qabyldaý jáne ótkizý kólemi sekýndyna 350 tekshe metr.
Kelesi aptanyń basynda Shyǵys Qazaqstan oblysynyń sý qoimalarynda sý tasqyny bolady dep kútilýde. Buqtyrma sý qoimasyna kútiletin ortasha aǵyn 1780-2720 mln tekshe metr, Shúlbi sý qoimasyna – 2380-3730 mln tekshe metrdi quraidy.
Ertis ózeni boiynsha sý aǵyny kútilýde, sondyqtan Abai, Shyǵys Qazaqstan jáne Pavlodar oblystarynda ákimdikter men Sý resýrstary jáne irrigatsiia ministrliginiń qyzmetkerleri sý ótkizý jáne turǵyndardyń qaýipsizdigin qamtamasyz etý boiynsha qajetti is-sharalardy atqaryp jatyr.
Qaraǵandy oblysynyń sý qoimalarynda sý tasqynynyń sharyqtaý kezeńi ótti, sý qoimalary tranzittik rejimge kóshti.
Búgingi tańda negizgi kúsh-jiger ózenderdiń aǵynyn retteý jáne tasqyn sýyn ótkizý úshin barlyq gidrotehnikalyq qurylystar men sý qoimalarynyń qaýipsiz jumysyn qamtamasyz etýge baǵyttalǵan. Barlyq sý sharýashylyǵy nysandarynda táýlik boiy kezekshilik uiymdastyrylyp, sý sharýashylyǵy jaǵdaiyna saǵat saiyn monitoring júrgiziledi, sý qoimalarynan sý jiberý jónindegi derekter ákimdikterge jáne opershtabqa saǵat saiyn beriledi.
Sý qoimalary arqyly ózenderdiń aǵynyn retteý nátijesinde Qaraǵandy oblysyndaǵy sý qoimalarynan tómen ornalasqan eldimekenderdi sý basý qaýpi barynsha azaidy.
