Qazaqstan biliginiń málimdeýinshe, Pekin eki myńnan astam etnikalyq qazaqqa Qytai azamattyǵynan bas tartyp, Shyńjańnan kóshýge ruqsat bergen. Bul týraly Associated Press agenttigi habarlady.
Bunyń aldynda Shyńjań biligi jappai indoktrinatsiia naýqanyn júrgizip, myńdaǵan adamdy oqshaýlaǵan. Olar otyrǵan lagerlerdi Pekin "kásibi oqytý ortalyqtary" dep atady. Munda júzdegen myń, keibir málimetter boiynsha, millionnan astam adam ornalastyrylǵan.
Lagerlerde otyryp shyqqandar olardy óz mádenietinen, dini kózqarasynan bas tartýǵa úgittep, saiasi indoktrinatsiia júrgizgenin aitty.
Qazaqstannyń syrtqy ister ministrligi 9 qańtarda jasaǵan málimdemesinde Pekin eki myń etnikalyq qazaqqa kóshýge ruqsat bergenin rastady. SIM málimdemesinde Qazaqstanǵa kelgen olar Qazaqstan azamattyǵyn alýǵa ótinish bere alatyny aitylǵan.
centralasian.org
