Eki myńǵa jýyq Arys turǵyny qarjylai kómek aldy, dep habarlaidy "Ult aqparat" Túrkistan oblysy ákimdiginiń baspasóz qyzmetine silteme jasap.
Bolat Ótemuratov qory, Qazaqstannyń «Qyzyl Ai» qoǵamy jáne ForteBank-tiń «Kómek kartasy» birlesken jobasynyń sheńberinde Arys qalasynyń 2 myńǵa jýyq turǵyny qarjylai kómekke ie boldy. Bólingen aqshaǵa qurylys materialdaryn satyp alýǵa, sharýashylyq taýarlaryn túgendeýge jáne kiim-keshekti bútindeýge berilip otyr. Búgingi tańda Arys qalasynyń ákimdigi men «Qyzyl Ai» jáne Bolat Ótemuratov qory kómek alýshylardy anyqtady. Olardyń qatarynda meditsinalyq járdemge júgingender, kópbalaly otbasylar, jalǵyzbasty analar men múgedekter bar. Atalǵan sanatqa kiretin ár otbasy múshesine 30 myń teńgeden bank kartalary tabystaldy.
Arys qalasynyń ákimi Murat Qadyrbek qor jetekshilerine qalany qalpyna keltirýge atsalysqany úshin alǵys aitty.
«Qiyn kezeńde bizdi búkil el qoldady jáne bizge kómek qolyn usynǵan uiymdardyń biri - Bolat Ótemuratov qory boldy», – dep atap ótti qala basshysy.
Aita keteiik, tabiǵi jáne tehnogendik apattardan zardap shekken qazaqstandyqtarǵa qoldaý kórsetý boiynsha «Kómek kartasy» jobasy 2018 jyly bastaý alǵan bolatyn. Buǵan deiin qor tarapynan Qaraǵandy, Almaty, Aqmola jáne Soltústik Qazaqstan oblystarynda úileri kóktemgi sý tasqynynan zardap shekken turǵyndarǵa 56 million teńgeden astam somaǵa kómek kórsetildi.
