Shyǵys Qazaqstan oblysyndaǵy Rýliha jáne Ýst-Talovka stantsiialarynyń aralyǵynda 47 jastaǵy áieldi poiyz qaqqan. Ol ruqsat etilmegen temirjol relsterinen ótip bara jatqan, dep habarlaidy "Ult aqparat".
Qaiǵyly oqiǵa 30 tamyz kúni boldy. 31 tamyzda dál osyndai oqiǵa Qyzylorda oblysynda oryn alǵan. Poiyz mashinisi qyzdy qaǵyp ketken.
Atalǵan faktiler boiynsha tergeý amaldary júrgizilýde. Bul jaily Kólik politsiiasy basqarmasynyń bastyǵy Ońal Bekiev málimdedi. Onyń aitýynsha, jazataiym oqiǵalardy boldyrmaý úshin Departamenttiń jáne onyń aýmaqtyq bólimsheleriniń qyzmetkerleri profilaktikalyq is-sharalar júrgizýde. Alaida buǵan qaramastan temirjoldaǵy oqys oqiǵalar azaimai tur.
Jyl basynan beri ótýge ruqsat etilmegen temirjol relsterin ótken 16 284 adam anyqtalyp, ákimshilik jaýapkershilikke tartyldy. Sonymen qatar 1616 ret poiyzdardyń shuǵyl tejelýi oryn aldy.
Biylǵy 8 aida elimizde 82 adamdy poiyz qaqqan. Olardyń jartysynan kóbi kóz jumdy. Onyń ishinde kámeletke tolmaǵan 5 bala bar.
