شىعىس قازاقستان وبلىسىنداعى رۋليحا جەنە ۋست-تالوۆكا ستانتسييالارىنىڭ ارالىعىندا 47 جاستاعى ەيەلدٸ پويىز قاققان. ول رۇقسات ەتٸلمەگەن تەمٸرجول رەلستەرٸنەن ٶتٸپ بارا جاتقان, دەپ حابارلايدى "ۇلت اقپارات".
قايعىلى وقيعا 30 تامىز كٷنٸ بولدى. 31 تامىزدا دەل وسىنداي وقيعا قىزىلوردا وبلىسىندا ورىن العان. پويىز ماشينيسٸ قىزدى قاعىپ كەتكەن.
اتالعان فاكتٸلەر بويىنشا تەرگەۋ امالدارى جٷرگٸزٸلۋدە. بۇل جايلى كٶلٸك پوليتسيياسى باسقارماسىنىڭ باستىعى وڭال بەكيەۆ مەلٸمدەدٸ. ونىڭ ايتۋىنشا, جازاتايىم وقيعالاردى بولدىرماۋ ٷشٸن دەپارتامەنتتٸڭ جەنە ونىڭ اۋماقتىق بٶلٸمشەلەرٸنٸڭ قىزمەتكەرلەرٸ پروفيلاكتيكالىق ٸس-شارالار جٷرگٸزۋدە. الايدا بۇعان قاراماستان تەمٸرجولداعى وقىس وقيعالار ازايماي تۇر.
جىل باسىنان بەرٸ ٶتۋگە رۇقسات ەتٸلمەگەن تەمٸرجول رەلستەرٸن ٶتكەن 16 284 ادام انىقتالىپ, ەكٸمشٸلٸك جاۋاپكەرشٸلٸككە تارتىلدى. سونىمەن قاتار 1616 رەت پويىزداردىڭ شۇعىل تەجەلۋٸ ورىن الدى.
بيىلعى 8 ايدا ەلٸمٸزدە 82 ادامدى پويىز قاققان. ولاردىڭ جارتىسىنان كٶبٸ كٶز جۇمدى. ونىڭ ٸشٸندە كەمەلەتكە تولماعان 5 بالا بار.
