Foto: Videodan skrin
Taldyqorǵanda jeksenbi kúni keshke qonaqúidegi bomba týraly aqparat túsip, dereý dabyl boiynsha politsiia quramy kóterildi, dep habarlaidy «Ult aqparat» oblystyq politsiia departamentine silteme jasap.
Politsiiaǵa belgisiz bireý habarlasyp, “Kolizei” jáne “Park Haýs” qonaqúiinde bomba qoiylǵany týraly aitqan. Kelip túsken habardan keiin qonaqúiler ornalasqan meken jaiǵa dereý potrýldik avtokólikter men jedel járdem jiberildi.
Áleýmettik jelide oqiǵa ornynda túsirilgen videolar tarady. Jetisý oblystyq politsiia departamenti bolǵan jaǵdaiǵa qatysty pikiri bildirdi.
“Saǵat 18:35 shamasynda Taldyqorǵan politsiiasynyń jedel basqarý ortalyǵyna oblys ortalyǵyndaǵy eki qonaqúige jarylǵysh zat qoiylǵany týraly jasyryn qońyraýlar túskenin habarlaimyz. Tártip saqshylary jedel-izdestirý sharalaryn júrgizdi. Eshqandai kúdikti zattar tabylmady. Oblystyq politseiler kórineý jalǵan habarlamalar úshin zańda kózdelgen qylmystyq jaýapkershilik týraly eskertedi”, – delingen habarlamada.
