QR Bilim jáne ǵylym vitse-ministri Miras Dáýlenov Nazarbaev Ýniversitetiniń tájiribesi boiynsha Petropavl jáne Shymkent qalalarynda 2 ozyq óńirlik joǵary oqý ornyn qurýǵa qatysty túsinik berdi, dep habarlaidy QazAqparat.
«Nazarbaev Ýniversiteti joǵary oqý orny retinde qalyptasyp, óziniń nátijesin kórsetip otyr. Bul oqý ornynyń modeli óziniń tiimdiligin dáleldedi. Osyǵan bailanysty Nazarbaev Ýniversiteti tájiribesine súiene otyryp, Petropavl men Shymkent osy tektes joǵary oqý oryndary bolady degen sheshim shyǵaryldy», - dedi Miras Dáýlenov Ortalyq kommýnikatsiialar qyzmetinde.
Onyń aitýynsha, bul JOO-lar tiisti derbestigimen erekshelenedi. Olarda daiyndyqtyń birneshe baǵyty qamtylady, sonyń arasynda tehnikalyq ári gýmanitarlyq salalar eskeriledi.
«Josparda osy JOO-lar úshin jeke korpýstardyń, jataqhanalardyń qurylystary qarastyrylǵan. Qazirgi kezde seriktestermen strategiia boiynsha belsendi jumystardy atqaryp jatyrmyz. Nazarbaev Ýniversitetiniń modelin taratamyz, iaǵni ony Petropavl men Shymkenttiń úlgisinde kórsetemiz», - dedi vitse-ministr.
