قر بٸلٸم جەنە عىلىم ۆيتسە-مينيسترٸ ميراس دەۋلەنوۆ نازارباەۆ ۋنيۆەرسيتەتٸنٸڭ تەجٸريبەسٸ بويىنشا پەتروپاۆل جەنە شىمكەنت قالالارىندا 2 وزىق ٶڭٸرلٸك جوعارى وقۋ ورنىن قۇرۋعا قاتىستى تٷسٸنٸك بەردٸ, دەپ حابارلايدى قازاقپارات.
«نازارباەۆ ۋنيۆەرسيتەتٸ جوعارى وقۋ ورنى رەتٸندە قالىپتاسىپ, ٶزٸنٸڭ نەتيجەسٸن كٶرسەتٸپ وتىر. بۇل وقۋ ورنىنىڭ مودەلٸ ٶزٸنٸڭ تيٸمدٸلٸگٸن دەلەلدەدٸ. وسىعان بايلانىستى نازارباەۆ ۋنيۆەرسيتەتٸ تەجٸريبەسٸنە سٷيەنە وتىرىپ, پەتروپاۆل مەن شىمكەنت وسى تەكتەس جوعارى وقۋ ورىندارى بولادى دەگەن شەشٸم شىعارىلدى», - دەدٸ ميراس دەۋلەنوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, بۇل جوو-لار تيٸستٸ دەربەستٸگٸمەن ەرەكشەلەنەدٸ. ولاردا دايىندىقتىڭ بٸرنەشە باعىتى قامتىلادى, سونىڭ اراسىندا تەحنيكالىق ەرٸ گۋمانيتارلىق سالالار ەسكەرٸلەدٸ.
«جوسپاردا وسى جوو-لار ٷشٸن جەكە كورپۋستاردىڭ, جاتاقحانالاردىڭ قۇرىلىستارى قاراستىرىلعان. قازٸرگٸ كەزدە سەرٸكتەستەرمەن ستراتەگييا بويىنشا بەلسەندٸ جۇمىستاردى اتقارىپ جاتىرمىز. نازارباەۆ ۋنيۆەرسيتەتٸنٸڭ مودەلٸن تاراتامىز, ياعني ونى پەتروپاۆل مەن شىمكەنتتٸڭ ٷلگٸسٸندە كٶرسەتەمٸز», - دەدٸ ۆيتسە-مينيستر.
