QR Premer-Ministri Asqar Maminniń tóraǵalyǵymen ótken Úkimettiń selektorlyq otyrysynda elimizde qabyldanyp jatqan epidemiiaǵa qarsy sharalar jáne Memleket basshysynyń biyl 18 shildede ótken keńeste bergen tapsyrmalaryn oryndaý barysy qaraldy. Koronavirýs infektsiiasymen kúresý boiynsha eldegi aǵymdaǵy ahýal týraly densaýlyq saqtaý ministri Aleksei Tsoi baiandady, dep jazady primeminister.kz saity.
Ministr habarlaǵandai, sońǵy aptada COVID-19-pen aýyrý jáne odan ólim-jitim sanynyń turaqtaný betalysy baiqalady. Aýrýǵa shaldyǵý deńgeii táýligine 1500-1600 adam deńgeiinde.
«Aǵymdaǵy aidyń úsh aptasynda jalpy tósek-oryn qory 30,4 myńnan 49,7 myń infektsiialyq jáne provizorlyq tósek-orynǵa deiin ulǵaityldy. Tósek-oryn qorynyń ósýi 19,3 myń birlikti qurady. Onyń ishinde qosymsha 5,3 myń infektsiialyq tósek-oryn qarastyryldy. Osynyń arqasynda muqtaj patsientterge meditsinalyq kómektiń qoljetimdiligi aitarlyqtai artty», — dedi A. Tsoi.
Provizorlyq statsionarlarda qosymsha ashylǵan 14 myń tósek-oryn esebinen qamtýdyń qiyn deńgeiinen (89%) 20%-ǵa tómendep, 69% qurady. Qazirgi tańda reanimatsiialyq tósek-orynnyń bos bolmaýy 67% quraidy. Karantin engizilgenge deiin bul kórsetkish 91% quraǵan edi.
Densaýlyq saqtaý ministri naqtylaǵandai, Memleket basshysynyń tapsyrmasyn oryndaý maqsatynda, qazirgi kezde COVID-19 jáne pnevmonimen aýyrǵan patsientterdi emdeý úshin qajetti statsionarlyq tósek-oryndar sany jetkilikti.
Ambýlatorlyq deńgeide úide meditsinalyq kómek kórsetý úshin 2962 BMSK mobildi brigadasy quryldy. Aǵymdaǵy aidyń sońyna deiin mundai brigadalar sany 3 500-ge deiin jetkiziletin bolady.
Emhanalardaǵy Call-ortalyqtardyń sany 16%-ǵa artty, olardyń jumysyna bilikti dáriger-keńesshiler, feldsherler jáne meditsinalyq joǵary oqý oryndarynyń stýdentteri tartylǵan.
«Búgingi kúni infektsiialyq jáne provizorlyq statsionarlarda 1 958 ÓJJ apparaty bar, ákimdiktermen birlesip qosymsha 4 183 apparat satyp alynady (onyń ishinde 3105 otandyq taýar óndirýshiden), sondai-aq 21 myńnan astam tósek-oryn ottegige qosylady, onyń ishinde 17 762 tósek-oryn ottegi kontsentratorlarymen, 6237-si - demeýshilerdiń esebinen ottegige qosylady», — dedi A. Tsoi.
Táýligine 32 myń test ótkizý qýaty bar 59 memlekettik jáne jeke zerthana iske qosyldy. Bir ret paidalanylatyn meditsinalyq úsh qabatty maskanyń shekti bólshek baǵasy 28%-ǵa tómendetildi. Birinshi jeli qyzmetkerleriniń (meditsina qyzmetkerleri, quqyq qorǵaý organdarynyń qyzmetkerleri) tamyz aiyn qosa alǵanda jeke qorǵanysh quraldarynyń rezervi qalyptastyryldy. Úkimet rezervinen osy maqsattarǵa 7,2 mlrd teńge bólindi.
«Olardyń aiasynda 41 mln maska, 27 mln perchatka jáne 379 myń qorǵanysh kostiýmder, sondai-aq 1,2 mln PTR testiler satyp alynady. Jeke qorǵanysh quraldarynyń osyndai rezervi qyrkúiekten bastap 2021 jylǵy aqpanǵa deiin qalyptastyrylady», — dedi vedomstvo basshysy.
A. Tsoi atap ótkendei, Memleket basshysy aýyldaǵy jaǵdaidy jaqsartý boiynsha sharalar ázirleýdi tapsyrdy. Koronavirýs infektsiiasyna PTR rastalǵan jáne pnevmoniiamen syrqattanǵan patsientterge meditsinalyq kómek kórsetý úshin aýyl deńgeiinde 2,5 myń infektsiialyq jáne 11 myń provizorlyq tósek-oryn qarastyryldy.
«Ambýlatorlyq kómek kórsetý úshin aýylda 1493 mobildi brigada qurylyp, jumys isteidi, bul qajettiliktiń 94%-yn jabady. Aýylda 641 jedel meditsinalyq járdem mashinasy iske qosyldy. Qosymsha qajettilik – 141 birlik mashina aǵymdaǵy jyldyń sońyna deiin iske asyrylatyn qarjy lizingi kelisimsharttary esebinen óteletin bolady», — dedi A. Tsoi.
Sonymen qatar, aýdandyq aýrýhanalar úshin otandyq taýar óndirýshilerden 53 rentgen apparaty satyp alynady. Qosymsha 3-4 ai ishinde 100 PMK jetkizý josparlanýda, olar aýyl turǵyndaryn keshendi tekserýden ótkizý úshin barlyq qajetti jabdyqtarmen tolyqtyrylatyn bolady.
Ministr atap ótkendei, jalpy qabyldanǵan jedel sharalardy eskere otyryp, eki apta ishinde mynadai oń nátijelerge qol jetkizildi:
● COVID-19 juqtyrýdyń táýliktik ósimi 4%-dan 2,1%-ǵa deiin tómendedi;
● COVID-19-dan jazylǵandar sany 60%-ǵa artty;
● jedel járdem shaqyrýlar sany 23%-ǵa azaidy;
● provizorlyq tósek-oryndardyń bos bolmaýy 20%-ǵa, reanimatsiialyq tósek-oryndardyń bos bolmaýy 6%-ǵa tómendedi.
Memleket basshysynyń dárilik zattardy sapaly josparlaý jáne satyp alý boiynsha sharalar qabyldaý boiynsha tapsyrmasyna qatysty.
- rásimderi, sertifikattaý jáne tirkeý, sondai-aq rásimderi birjolǵy ákelý jeńildetildi;
- arnaiy júk borttaryn jetkizýdi jedeldetý esebinen dárilik zattarmen bólshek saýdada qanyqtyrý júrgiziledi;
- óńirlerde arnaiy turaqtandyrý qorlary quryldy;
- ambýlatorlyq dári-dármektermen qamtamasyz etý tizimin keńeitý júrgizilýde;
- dárilik zattardyń ailyq qory qalyptasady (aǵymdaǵy jyldyń 22 shildesine deiin meditsinalyq uiymdarǵa bir ailyq qajettilik mólsherinde dárilik zattar jóneltiletin bolady);
- «SQ-Farmatsiia» JShS bazasynda respýblikalyq turaqtandyrý qory qurylady.
Aita ketý kerek, Memleket basshysy zerthanalyq zertteýlerdiń qýatyn kúnine 40 000 PTR-testilerge deiin jetkizýdi tapsyrdy, demek 100 myń turǵynǵa 215 test qarastyrylady degen sóz. Búgingi tańda testileýdiń naqty qýaty táýligine 32 myń zertteýdi quraidy. Qýat tapshylyǵy táýligine 8 myń zertteýdi quraidy. Máseleni sheshýdiń kelesi joldary ázirlendi:
Birinshi. A.j. 1 tamyzdan bastap veterinarlyq qyzmettiń 67 mamanyn tarta otyryp veterinarlyq qyzmettiń zerthanalaryn paidalaný – kúnine 5 200 myń zertteý (26 PTR jabdyǵy). Osylaisha, óńirlerde PTR testileý tapshylyǵy Aýyl sharýashylyǵy ministrliginiń zerthanalary esebinen teńestiriletin bolady.
Ekinshi. PTR jabdyǵynyń 20 jiyntyǵyn jáne jabdyqtalǵan 8 jyljymaly zerthanany, onyń ishinde mobildi zerthanany satyp alý – 20,5 myń (táýligine 4,8 myń zertteý) satyp alý. Jetkizýdiń boljamdy merzimi – a.j. 30 tamyz
Úshinshi. Nur-Sultan jáne Almaty qalalarynda modýldik zerthanalardyń qýatyn 8 myńǵa ulǵaitý
Osylaisha, testileý qýaty jetkiziledi:
- aǵymdaǵy jyldyń 1 tamyzyna qarai QR AShM zerthanalaryn tartý esebinen táýligine 35,6 myńǵa deiin;
- a. j. 1 qyrkúiekke qarai DSM jáne JAO zerthanalaryn tolyq jaraqtandyrýdy eskere otyryp táýligine 64 myńǵa deiin.
Sonymen qatar, jyl sońyna deiingi epidemiologiialyq jaǵdaidyń boljamyn jáne PTR zerthanalardyń qýatyn ulǵaitýdy eskere otyryp, respýblikalyq biýdjetten qosymsha qarajat bólý qajet:
- PTR testileý boiynsha qyzmetterdi tóleýge 42 mlrd teńge;
- Zertteýler júrgizýge tartylǵan veterinarlyq zerthanalardyń 67 mamanyna issapar aqysyn tóleýge 170 mln teńge.
Budan basqa, oblys ákimderi avtokólik bólýdi jáne aýyldyq jerlerden zertteý úshin materialdardy jetkizý jónindegi qyzmetterge aqy tóleýdi qamtamasyz etýi qajet.
Memleket basshysynyń tapsyrmasyna sáikes Ministrlik halyqqa josparly, onyń ishinde joǵary tehnologiialy meditsinalyq kómek kórsetýdi kezeń-kezeńimen jańǵyrtý jónindegi Jospar jobasyn ázirledi.
«Jospar jobasy halyqqa qyzmet kórsetýdiń tar beiinine jáne meditsinalyq uiymdardyń COVID-19-pen kúresýge qatystylyq dárejesine bailanysty josparly meditsinalyq kómekti jańartýdyń 2 kezeńin kózdeidi. Statsionarlardyń tósek-oryndary 50%-dan az bos bolsa, tiisti zalalasyzdandyrýdan keiin sanitarlyq-epidemiologiialyq talaptardy saqtai otyryp, beiindi jáne josparly tósek-oryndardy 50%-ǵa ashý josparlanýda», — dep túiindedi A. Tsoi.
Nur-Sultan ákimi Altai Kólginov óz kezeginde qatań karantindi engizý esebinen búgin elordada jaǵdaidyń turaqtanýy baiqalyp otyrǵanyn atap ótti. Koronavirýsty juqtyrǵandardyń sany 8 619 adamdy quraidy. 5 511 adam emdeldi. 212 adam kóz jumǵan. 2 262 adam statsionarlarda em alyp jatyr. Aýyr haldegi naýqastar sany 30%-ǵa tómendedi. Infektsiialyq jáne provizorlyq statsionarlardyń sany 3-ten 16 birlikke deiin ósti. Tósek-oryn sany 1 051-den 3 911 orynǵa deiin ulǵaidy. Rezervte 1000-ǵa jýyq oryn bar.
«Eger karantin basynda kúnine 300 test ótkizilgen bir ǵana zerthana bolsa, búgingi kúni kúnine 5 myńǵa deiin test ótkizý múmkindigimen 9 zerthana jumys isteidi», — dedi A. Kólginov.
Jalpy, búgingi kúnge deiin 270 myńnan astam PTR-test júrgizildi. Qosymsha 300 ottegi kontsentratory, 150 flýometr satyp alyndy. Shildeniń sońyna deiin 500 arnaiy jabdyqtalǵan kereýet, 100 ÓJJ apparaty, 264 ottegi kontsentratory, 350 flýometr, 3 ottegi rezervýary, 100 myń jeke qorǵanys quraly, 2 kompiýterlik tomograf kelip túsedi. Elordanyń 17 meditsinalyq mekemesinde rentgen apparattary men kompiýterlik tomograftar jumys isteidi. Maýsym-shilde ailarynda keýde qýysyna barlyǵy 20 myńǵa jýyq zertteý júrgizildi.
«Búginnen bastap Nur-Sultandaǵy barlyq kompiýterlik tomograftardyń jumysy táýlik boiy jumys isteýge kóshirildi», — dedi Altai Kólginov.
Shymkent qalasynyń ákimi Murat Áitenov Shymkent qalasynda COVID-19 virýsyn juqtyrǵan azamattardyń sany 4 453 quraǵanyn jetkizdi. Ótken táýlikte 43 virýs juqtyrǵandar tirkelgen. Osy kezeńde 2 770 azamat (62,1%) emdelip shyqty, 31 azamat qaitys boldy.
«Infektsiialyq jáne provizorlyq statsionarlarda qysqa merzimde qosymsha 3 050 tósek orny uiymdastyrylyp, oryn sany 3 860-qa jetkizildi. Onyń ishinde 650 - infektsiialyq, 3 210 provizorlyq - tósek-oryn. Olardaǵy reanimatsiialyq tósek ornynyń sany 30 orynnan 151 orynǵa deiin ulǵaityldy», — dedi qala basshysy.
Shymkent qalasynyń emhanalary úshin 58 ÓJJ apparaty, 250 «Bobrov» tynys alý apparattary jáne 26 reanimatsiialyq monitor alyndy.
Ákimniń habarlaýynsha, reanimatsiialyq orynnyń 88,7% nemese 134 ÓJJ apparatymen qamtylǵan.
«Ottegimen qamtylǵan oryn sany 861-ge nemese jalpy orynnyń 22,3% deiin jetkizildi. Ottegimen turaqty túrde qamtamasyz etý máselesi de sheshilýde. Qosymsha 2 aýrýhanada ottegi stantsiiasyn iske qosý jumystary júrgizilýde. Bir ai merzimde taǵy 3 aýrýhanada qosylatyn bolady», — dedi M. Áitenov.
Shymkent qalasynda bastapqy meditsinalyq sanitarlyq kómek kórsetý jumystary kúsheitilgen. Qosymsha 58 mobildi brigada qurylyp, 14 399 naýqasqa úige arnalǵan statsionarlyq qyzmet kórsetilgen. Sonymen birge, mobildi brigada qyzmeti boiynsha 38 556 azamatqa dári-dármek úilerine jetkizildi.
Qala basshysynyń aitýynsha, atqarylǵan jumystar qalada epidemiologiialyq jaǵdaidyń jaqsarýyna óz áserin tigizgen.
«Jedel járdem kómegin shaqyrtýlar sany kúnine 2 142-den 1 571 deiin, iaǵni 26,6%-ǵa azaidy. Statsionarlarda em alýshylar sany 2678 naýqastan 1834-ge deiin nemese 31,5%-ǵa tómendedi. Statsionarlardaǵy tósek-orynnyń júktemesi 90,3%-dan 47,5%-ǵa deiin kemidi», — dep naqtylady M. Áitenov.
Qala qoimalarynda bir ailyq dáriniń qory jasaqtalǵan. Sonymen qatar qalada 4 monitoringtik top qurylyp, 348 dárihanaǵa monitoring júrgizilgen. Sonyń nátijesinde 50 zańsyz dári-dármek satýmen ainalysqandar anyqtalyp, 12 qylmystyq is boiynsha tergeý amaldary bastaldy. Al karantin talaptaryn saqtamaǵany úshin 258 zań buzýshylyq anyqtalyp, talapty buzǵandar jaýapkershilikke tartyldy.
Bir jolǵy ruqsatpen shetelderden dári-dármek alyp kelýge qalada jumys isteitin 10 farmkompaniiaǵa ruqsat berilgen. 6 farmkompaniia Úndistannan, Reseiden, Ýkrainadan, Ózbekstannan 2,6 mln flakon asa qajetti dáriler jáne 16,7 mln maska jetkizdi.
«Aǵymdaǵy jyldyń 26 maýsymynan 109 call-ortalyǵy iske qosylyp, 4 859 qońyraý qabyldandy. 15 shildeden «1430.kz» onlain keńes berý mobildik qosymshasy iske qosyldy, qosymshaǵa 171 dáriger tirkelip, halyqqa qyzmet kórsetýde», — dedi M. Áitenov.
Onyń aitýynsha, budan basqa, qaladaǵy infektsiialyq, provizorlyq statsionarlarda reanimatsiialyq jáne intensivti terapiialyq tósek-oryn sany 151-den 330 orynǵa deiin ulǵaityp, olar tolyq ÓJJ apparattarymen qamtylady. Ottegimen qamtylǵan tósek-oryn sany 1,5 esege deiin kóbeitilip, 1200 deiin jetkiziledi. Sonymen qatar, qala biýdjeti ońtailandyrylyp, qosymsha ÓJJ apparattaryn, basqa da qural-jabdyqtar men dári-dármekter satyp alýǵa jergilikti biýdjetten 5 mlrd teńge qarjy baǵyttaý kózdelýde.
Qaraǵandy oblysynyń ákimi Jeńis Qasymbek jedel jaǵdai boiynsha 21 shildede oblys statsionarlarynda 2 520 naýqas emdelýdi jalǵastyryp jatqanyn baiandady. Epidemiia bastalǵannan beri naýqastardyń 62%-y saýyǵyp ketken. Syrqattanǵandardyń ósýi 2%-dan kem.
«Sońǵy 2 aptadaǵy taldaý jalpy epidemiialyq jaǵdaidyń jaqsarǵanyn kórsetedi. Qazirgi ýaqytta patsientterdi táýliktik shyǵarý emdeýge jatqyzýdan joǵary. Tósek-oryn júktemesi 50%-ǵa deiin azaidy. 2 apta buryn bul kórsetkish 80% bolǵan edi», — dedi J. Qasymbek.
Sońǵy aptada virýstyq infektsiia jáne onyń asqynýlary (pnevmoniia) boiynsha jedel járdem shaqyrýlary 3 esege qysqardy. Josparly emdeýge jatqyzýdy kezeń-kezeńmen qalpyna keltirý boiynsha jumys bastaldy. Azamattarǵa yńǵaily bolý úshin Damý-Med mobildik qosymshasy arqyly «Onlain keńes berý» jobasy iske qosyldy, ony paidalanýshylardyń jalpy sany - 400 myńǵa jýyq.
Kúzgi-qysqy kezeńge jappai daiyndyq júrgizilýde. Tósek-oryn qory 4486 tósek-orynǵa deiin ulǵaityldy. Aýrýhanalardy zamanaýi meditsinalyq tehnikamen jabdyqtaý jalǵasýda.
Pandemiianyń alǵashqy ailarynda qolda bar 120 ÓJJ apparatyna 47 ÓJJ apparaty, 160 ottegi kontsentraty, 416 pýlsoksimetr satyp alyndy. Qazir 90 ÓJJ apparaty satyp alynyp, onyń 10-y osy aptada jetkiziletin bolady.
«Naýqastardy ottegimen qamtamasyz etý úshin 1500 kontsentrat satyp alyndy, sondai-aq 5 obektide meditsinalyq gaz berýdiń ortalyqtandyrylǵan júiesi ornatyldy. 17 kompiýterlik tomografiia kabineti jumys isteidi. Qazan aiynda Shahtinsk, Qaraǵandy, Balqash, Jezqazǵan jáne Sátbaev qalalarynda taǵy 5-i ornatylady. Sonymen qatar, 25 zamanaýi sandyq rentgen apparatyn satyp alamyz», — dedi Qaraǵandy oblysynyń ákimi.
Halyqty testileýmen qamtý ulǵaidy. Jalpy qýaty táýligine 4,5 myń taldaý jasai alatyn Qaraǵandy, Jezqazǵan jáne Temirtaý qalalarynda 4 PTR-zerthana ashyldy. Tamyz aiynyń sońynda Balqash qalasynda besinshi zerthana ashylady.
Óndiristik kásiporyndarda naýryz aiynan bastap aldyn alý testteri ótkiziledi, barlyq qyzmetkerler vahta aldyndaǵy PTR testileýden ótedi. Bul ekonomikanyń ónerkásiptik sektorynyń úzdiksiz jumysyn qamtamasyz etýge múmkindik beredi. Barlyǵy 150 myń test júrgizildi.
Aýrýhanalar eki aiǵa jeke qorǵanys quraldarymen qamtamasyz etilgen. Qazirgi ýaqytta kúzgi-qysqy kezeńde jumys isteý úshin dáriler men meditsinalyq maqsattaǵy buiymdardyń strategiialyq qory qalyptastyrylýda (koronavirýs infektsiiasynyń 2-shi tolqyny oryn alǵan jaǵdaida).
Sonymen qatar J. Qasymbek búgingi kúni dárihana jelisinde dárilik zattardyń tapshylyǵy joq ekenin aitty. Baǵalar ruqsat etilgen shekten aspaidy. Dári-dármekter óńirler boiynsha kóptep jóneltilýde.
«Alaida, jetkizilimderdiń turaqtylyǵy jónindegi máseleler de bar. Ol úshin jetkizý kólemin 3 esege arttyrýmen logistikany pysyqtap jatyrmyz. 18 shildede Resei Federatsiiasynan qajetti dárilik preparattardyń 17 tonnasy tielgen bort keldi», — dedi J. Qasymbek.
Budan basqa, karantindik sharalardyń buzylýyn anyqtaý boiynsha jumystar jalǵasýda. 57 vedomstvoaralyq mobildi top jumys isteidi, 444 reidtik is-sharalar ótkizildi, 2 241 nysan tekserildi. Tirkelgen 142 buzýshylyq qorytyndysy boiynsha 72 nysan ákimshilik jaýapkershilikke tartylyp, 2 nysan jabyldy.
Aqparattyq jumysqa kóp kóńil bólinedi. Apta saiyn taqyryptyq materialdardy úsh deńgeili taratýdy qamtityn jelilik media-jospar ázirlenýde. Úgit jumystaryna qoǵamdyq pikir kóshbasshylary, dárigerler, depýtattar tartylady.
Óńirlik kommýnikatsiialar qyzmetiniń alańynda únemi brifingter ótkiziledi. Jyl basynan beri 71 brifing ótti. Barlyq materialdarǵa jaýaptar «altyn saǵat erejeleri» boiynsha jariialanady.
Aqtóbe oblysynyń ákimi Ońdasyn Orazalin 21 shildede oblysta 2 753 KVI aýyrý oqiǵasy tirkelgenin habarlady. Búgingi kúni 1 172 naýqas (42,8%) aýrýhanadan emdelip shyǵaryldy, 89 adam emin jalǵastyrýda. 18 adam kóz jumǵan. Óńirde 7 773 pnevmoniiamen aýyrǵandar tirkelgen, onyń ishinde 4 987 emdelýshi saýyǵyp ketken. 21 shildedegi jaǵdai boiynsha táýliktik jáne kúndizgi statsionarlarda 2 786 patsient bar. 317 adam kóz jumǵan.
Oblysta táýligine 600 PTR test ótkizý múmkindigi bar 4 zerthana jumys isteidi. Búgingi kúni 130 myńǵa jýyq zerthanalyq jáne ekspress test júrgizildi, nátijesinde halyqty testpen qamtý kórsetkishi 100 000 adamǵa shaqqanda 12 606 testini qurady.
«Jalpy pandemiia bastalǵannan beri tósek-oryndar sany 4 esege jýyq ósti. Búgingi tańda óńir boiynsha bir mezgilde 3 988 adamdy ornalastyrýǵa múmkindik bar, onyń ishinde 337 infektsiialyq, 2 636 provizorlyq, 1 015 rezervtik tósek-oryn. Búgingi tańda 1 173 bos oryn bar, tósek-orynmen jabdyqtalý 58% quraidy», — dedi O. Orazalin.
Oblysta kompiýterlik tomografiia júrgizý úshin 16 apparat jáne 63 rentgen apparaty bar, onyń ishinde oblys kóleminde qoldanýǵa múmkindigi bar 2 jyljymaly meditsinalyq keshen bar. KT jáne rentgen apparattaryna qosymsha qajettilik joq. Budan basqa, 186 ÓJJ apparaty bar, onyń ishinde 81 statsionarlyq jáne 105 portativti. Qosymsha taǵy 15 ÓJJ apparaty satyp alyndy, jaqyn arada jetkizilýi kútilýde. Barlyq provizorlyq statsionarlar ottegimen jáne Bobrov apparattarymen tolyq qamtamasyz etilgen. Sondai-aq, «Qazhrom» TUK kúshimen kún saiyn óteýsiz negizde 500-den astam ballon ottegimen toltyrylady.
Pandemiia kezeńinde KVI-men kúreske barlyǵy 2 400 meditsina qyzmetkeri tartyldy, olarǵa jalpy somasyna ústeme aqy retinde 684 mln teńge tólendi. Tek maýsym aiynyń ózinde meditsina qyzmetkerleri 536 mln teńge kóleminde ústeme aqy aldy.
Budan basqa, pandemiia kezinde dárigerlerge M. Ospanov atyndaǵy meditsinalyq ýniversitetiniń professorlyq-oqytýshylar quramy tarapynan aitarlyqtai qoldaý kórsetildi. 200-ge jýyq rezident jáne 100 professorlyq-oqytýshylyq quramy provizorlyq statsionarlarǵa jumysqa tartyldy.
Aqtóbe oblysynyń ákiminiń aitýynsha, provizorlyq jáne juqpaly aýrýlar statsionarlary aptasyna eki ret «Farmatsiia» SK kúshimen dári-dármektermen tolyqtyrylady. Búgingi kúni qosymsha Orynbor oblysynan jergilikti biýdjet esebinen 25 ataý boiynsha eń suranysqa ie 117 myń importtyq dári-dármek jetkizildi, bul barlyq meditsinalyq mekemelerdi keminde 30 kúntizbelik kúnge dárilik zattardyń jáne jeke qorǵanysh quraldarynyń jetkilikti qorymen qamtamasyz etýge múmkindik berdi.
«Oblystyń dárihanalyq jelilerinde dárilik zattardyń qamtamasyz etilý máselesin sheshý úshin jergilikti dárihanalar jelisiniń ainalym kapitalyn tolyqtyrýǵa biýdjetten tys 500 mln teńge bólý sheshimi qabyldandy. Jeke dárihanalyq jelilermen saýdanyń ústeme baǵasyn ózindik qunynan 10%-dan asyrmaý jóninde aýyzsha ýaǵdalastyq bar», — dedi O. Orazalin.
Memleket basshysynyń óz elimizdiń dárilik preparattaryn shyǵarý týraly tapsyrmasyn oryndaý maqsatynda qazirgi ýaqytta qol qoiylǵan memorandýmǵa sáikes «TK-Farm» JShS bazasynda «Gripovir» virýsqa qarsy preparatyn shyǵarý uiymdastyryldy.
«Bizdiń tarapymyzdan Qytaidan shikizat alýǵa kómek kórsetildi (biýdjetten tys qarajat esebinen 75 mln teńge somasyna jeńildetilgen, qaitarymdy, paiyzsyz qaryz berildi. 200 keli «Ýminofira» satyp alyndy). Eger buryn aptasyna 5 myń qorap shyǵarylsa, endi ónim kólemi 4 ese artyp, aptasyna 20 myń qorapqa jetedi», — dedi Aqtóbe oblysynyń ákimi.
Alǵashqy meditsinalyq-sanitarlyq kómek uiymdarynda 152 mobildik top qurylyp, jumys isteýde. Óńirdegi jaǵdaidy túsindirý boiynsha jumys kúsheitildi. Aptasyna 3 ret tikelei efirde barlyq áleýmettik jelilerde túsindirý jumystary júrgiziledi.
Úide ambýlatorlyq emdeýge keńes berý úshin M. Ospanov atyndaǵy meditsinalyq ýniversitetiniń meditsinalyq bazasynda táýlik boiy jumys isteitin sall-ortalyǵy ashyldy.
Oblys boiynsha 200-ge jýyq monitoringtik top quryldy. Túrli obektilerge 8 600-den astam tekserý júrgizildi, 3 106 habarlama berilgen.
Sonymen qatar, oblysta 6 uiym adamdardy jerleý boiynsha qyzmet kórsetedi, qyzmet quny shamamen 80 myń teńgeni quraidy. Jerleý boiynsha qyzmetterdiń baǵasy sońǵy 2 jylda ózgergen joq. Jerleý oryndary tegin beriledi.
Qabyldanǵan sharalardyń arqasynda aýrýdyń tómendeýi baiqalady. Ai basynan beri tósek-oryn sany 78%-dan 58%-ǵa deiin tómendedi. Osyǵan bailanysty 1 015 tósek-oryn rezervke aýystyryldy.
«Sondai-aq jedel járdem qyzmetine kúnine 2 600-ge jýyq qońyraý kelip tústi, 160-qa jýyq naýqas statsionarǵa jetkizildi, qazirgi ýaqytta 1 800-ge jýyq qońyraý kelip túsedi, 60-70 naýqas jetkiziledi, iaǵni 2 eseden astam tómendedi. Tiisti jumystar jalǵasatyn bolady. Jaǵdai turaqty baqylaýǵa alynǵan», — dedi O. Orazalin.
