EgovMobile mobildi qosymshasynyń kómegimen alýǵa bolatyn qujattardyń sany arta tústi, dep habarlaidy QazAqparat.
«2023 jylǵy 1 qańtardan bastap memlekettik organdar men ákimdikter qyzmetinde «elektrondy úkimettiń» biryńǵai platformasy engiziledi. Biryńǵai platforma beiberekettikke jol bermeidi. Qazir kei azamattar memlekettik qyzmetterdi smartfon arqyly alý múmkindigin talap etip jatyr. Osy oraida biyl 15 shilde kúni Memleket basshysy qol qoiǵan tsifrlandyrý týraly jańa zańǵa sáikes EgovMobile mobildi qosymshasynyń qoldaný aiasy keńeitildi», - dedi QR Tsifrlyq damý, innovatsiialar jáne aeroǵarysh ónerkásibi ministrligi tsifrlyq transformatsiialaý departamentiniń direktory Nazgúl Bajaeva AMANAT partiiasy alańynda ótken baspasóz máslihatynda.
Onyń aitýynsha, atalǵan mobildi qosymsha arqyly 19 qujatty alýǵa bolady.
«Sonymen qatar jańa zańǵa sáikes memlekettik tirkeý kýálikterin berý tártibi de ózgeredi. Endigi ýaqytta týý, neke, ajyrasý jáne qaitys bolǵannan keiin beriletin kýálikter azamattyń egov-taǵy jeke kabinetine jiberiledi. Al kýálikterdiń qaǵaz nusqasyn alǵysy kelgen azamat ótinish jazýy tiis», - deidi ol.
Aita ketsek, 15 shilde kúni Memleket basshysy tsifrlandyrý, aqparattyq qaýipsizdikti damytý máseleleri boiynsha ózgeris engizý týraly Zańǵa qol qoidy.
Buǵan deiin habarlaǵanymyzdai, jańa zań aiasynda qazaqstandyqtar endi barlyq jerde jeke kýáliktiń elektrondy nusqasyn qoldana alady.
