EGov.kz portaly jáne eGov mobile qosymshasynda mekenjaidyń ózgergeni týraly aqparatty kórsetetin jańa servis iske qosyldy, iaǵni jyljymaityn múlik nysany mekenjaiynyń ózgerýi tarihyn osy arqyly bilýge bolady. Bul týraly Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin málimdedi, - dep habarlaidy "Ult aqparat".
Ministr ádette mundai másele jyljymaityn múlikti satý nemese múlik kepilin tirkeý kezinde týyndaitynyn aitty.
"Bálkim, bireýlerdiń jyljymaityn múlikti satý kezinde turǵylyqty mekenjaiynyń ózgergenin anyqtap, al ol málimetterdi rastaý úshin Halyqqa qyzmet kórsetý ortalyǵyna baryp ýaqytyn joǵaltyp, áýre-sarsańǵa túsken kezderi bolǵan shyǵar.
Osylaisha, jańa servis notariýstar men bankterge óz klientterin HQKO-ǵa jibermei, osy derekterdi tikelei alýǵa múmkindik beredi. Atap óteiin, eger azamattardyń qujattarynyń tsifrlyq nusqasy bolsa, olardan túrli anyqtamalardy talap etý zań júzinde tyiym salynady. Osylaisha, qyzmet kórsetý ýaqyty qysqaryp, jumys protsesi jedeldetiledi. Bul jańashyldyq Prezidenttiń memlekettik apparatty biýrokratiiadan aryltý saiasatyna negizdelgen, - dep jazdy ol Instagram-paraqshasynda.
Mýsinniń aitýynsha, málimetterdi bilý jáne rastaý úshin mekenjaidyń tirkeý kodyn bilý jetkilikti. Qajetti aqparat eGov.kz portalynda "Servister" bóliminde jáne eGov mobile qosymshasynda "Jyljymaityn múlik jáne TKSh" bóliminde qoljetimdi bolady. Osylaisha jyljymaityn múlik mekenjaiynyń ózgerý tarihy kórsetiledi.
Atalǵan servis memlekettik qyzmetter komitetiniń, memlekettik nesie biýrosynyń aqparattyq júielerin jáne biryńǵai notarialdyq aqparattyq júiesin integratsiialaý jolymen iske asyryldy.
