ەGov.kz پورتالى جەنە eGov mobile قوسىمشاسىندا مەكەنجايدىڭ ٶزگەرگەنٸ تۋرالى اقپاراتتى كٶرسەتەتٸن جاڭا سەرۆيس ٸسكە قوسىلدى, ياعني جىلجىمايتىن مٷلٸك نىسانى مەكەنجايىنىڭ ٶزگەرۋٸ تاريحىن وسى ارقىلى بٸلۋگە بولادى. بۇل تۋرالى تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين مەلٸمدەدٸ, - دەپ حابارلايدى "ۇلت اقپارات".
مينيستر ەدەتتە مۇنداي مەسەلە جىلجىمايتىن مٷلٸكتٸ ساتۋ نەمەسە مٷلٸك كەپٸلٸن تٸركەۋ كەزٸندە تۋىندايتىنىن ايتتى.
"بەلكٸم, بٸرەۋلەردٸڭ جىلجىمايتىن مٷلٸكتٸ ساتۋ كەزٸندە تۇرعىلىقتى مەكەنجايىنىڭ ٶزگەرگەنٸن انىقتاپ, ال ول مەلٸمەتتەردٸ راستاۋ ٷشٸن حالىققا قىزمەت كٶرسەتۋ ورتالىعىنا بارىپ ۋاقىتىن جوعالتىپ, ەۋرە-سارساڭعا تٷسكەن كەزدەرٸ بولعان شىعار.
وسىلايشا, جاڭا سەرۆيس نوتاريۋستار مەن بانكتەرگە ٶز كليەنتتەرٸن حقكو-عا جٸبەرمەي, وسى دەرەكتەردٸ تٸكەلەي الۋعا مٷمكٸندٸك بەرەدٸ. اتاپ ٶتەيٸن, ەگەر ازاماتتاردىڭ قۇجاتتارىنىڭ تسيفرلىق نۇسقاسى بولسا, ولاردان تٷرلٸ انىقتامالاردى تالاپ ەتۋ زاڭ جٷزٸندە تىيىم سالىنادى. وسىلايشا, قىزمەت كٶرسەتۋ ۋاقىتى قىسقارىپ, جۇمىس پروتسەسٸ جەدەلدەتٸلەدٸ. بۇل جاڭاشىلدىق پرەزيدەنتتٸڭ مەملەكەتتٸك اپپاراتتى بيۋروكراتييادان ارىلتۋ ساياساتىنا نەگٸزدەلگەن, - دەپ جازدى ول Instagram-پاراقشاسىندا.
مۋسيننٸڭ ايتۋىنشا, مەلٸمەتتەردٸ بٸلۋ جەنە راستاۋ ٷشٸن مەكەنجايدىڭ تٸركەۋ كودىن بٸلۋ جەتكٸلٸكتٸ. قاجەتتٸ اقپارات eGov.kz پورتالىندا "سەرۆيستەر" بٶلٸمٸندە جەنە eGov mobilە قوسىمشاسىندا "جىلجىمايتىن مٷلٸك جەنە تكش" بٶلٸمٸندە قولجەتٸمدٸ بولادى. وسىلايشا جىلجىمايتىن مٷلٸك مەكەنجايىنىڭ ٶزگەرۋ تاريحى كٶرسەتٸلەدٸ.
اتالعان سەرۆيس مەملەكەتتٸك قىزمەتتەر كوميتەتٸنٸڭ, مەملەكەتتٸك نەسيە بيۋروسىنىڭ اقپاراتتىق جٷيەلەرٸن جەنە بٸرىڭعاي نوتاريالدىق اقپاراتتىق جٷيەسٸن ينتەگراتسييالاۋ جولىمەن ٸسكە اسىرىلدى.
