«EGov mobile» mobildik qosymshasynda koronavirýsqa qarsy «vaktsinatsiia pasportynyń» jańa nusqasy usynyldy, dep habarlaidy "Ult aqparat".
«Búgingi tańda Qazaqstan Respýblikasynyń Bas memlekettik sanitarlyq dárigeriniń qaýlysyna ózgerister engizilýde, onda QR Tsifrlyq damý, innovatsiialar jáne aeroǵarysh ónerkásibi ministrligi QR Densaýlyq saqtaý ministrligimen birlesip ázirlegen «eGov mobile» mobildik qosymshasynyń «tsifrlyq qujattar» servisinde elektrondyq «vaktsinatsiia pasportynyń» jańa nusqasy usynyldy», - delingen Qazaqstanda COVID-19 taralýyna jol bermeý jónindegi vedomstvoaralyq komissiia málimetinde.
Azamattar vaktsinalaýdyń barlyq kezeńinen ótkennen keiin 3 tilde qoljetimdi elektrondyq qujat beriledi.
«Elektrondyq qujattyń jańa nusqasynda týǵan kúni, tólqujat nómiri, QR-kod siiaqty jańa derekter qosyldy. Qujat iesi suraý salýshy tarapqa QR-kodty usyna alady. Bul, qujattyń zańdylyǵyn tekserýge kómektesedi. Kodty skanerleý kezinde patsienttiń vaktsinatsiiadan ótkeni týraly derbes derekterdiń taralýyn qorǵaý maqsatynda anyqtamadaǵy derekter jasyrylǵan (derekterdiń bir bóligi ***belgilengen) patsienttiń vaktsinatsiiasy týraly derekteri bar betke kóshý júzege asyrylady», - delingen VAK habarlamasynda.
Sondai-aq qajet bolǵan jaǵdaida azamat óziniń elektrondyq qujatymen telefondaǵy messendjerlerde bólise alady.
«EGOV mobile mobildik qosymshasynyń «tsifrlyq qujattar» servisinde ornalastyrylǵan vaktsinalaýdyń elektrondyq pasportyn usynýǵa múmkindigi joq adamnyń vaktsinatsiiasyn rastaý úshin meditsina qyzmetkeri meditsinalyq uiymnyń aqparattyq júiesinen basyp shyǵarǵan qaǵaz jetkizgishtegi anyqtamany usyný múmkindigi bar», - dedi VAK-tan.
