Eldegi koronavirstyq jaǵdaiǵa bailanysty Ashyq eGov mobile qosymshasynda qoljetimdi boldy. Ásirese, kásip salasynda mindettelip jatqan bul baǵdarlama QR-kodty skanerleý arqyly da qyzmet etip jatyr, - dep habarlaidy «Ult aqparat».
Ashyq qosymshasy bizneske karantindik sharalar kezinde óz qyzmetin jalǵastyrýǵa múmkindik berý maqsatynda qurylǵan. Eki jyldan beri karantindik jaǵdaida shaǵyn kásibin dóńgeletip otyrǵan Jeńis Dáýletuly bul qosymshanyń paidasy týraly aityp berdi.
«Restoran isi ólmeitin kásip túri dep senimmen aita alamyn. Sebebi karantin jaǵdaiynda dámhanalar jabyq bolǵanymen, úige jetkizý qyzmeti istep turdy. Meniń dámhanam da solai qyzmet etti. Adamdar uzaq ýaqyt úide otyryp jalyqty. Ondaida baratyn jer joq, karantin talaptaryn saqtaý kerek. Restoran-dámhanalardyń tamaǵyna úige tapsyrys berý artty. Bul bizdiń kásiptiń taǵy bir qyryn ashyp, mol múmkindik berdi deýge bolady. Al el ishi tynyshtalǵanda dámhanamyz qaita ashyldy. Degenmen koronavirýs joq degen sóz emes. Ashyq qosymshasy arqyly biz ózimizdi de, qyzmetkerlerimizdi de, kelýshiler men otbasymyzdy da saqtai alamyz», - dedi kásipker.
Sonymen el azamattaryna kafe, kinoteatrlar, fitnes-klýbtar jáne basqa da qoǵamdyq oryndarǵa kirý úshin eGov mobile qosymshasynyń basty betindegi Ashyq belgishesin shertip, mekemege kire beristegi QR-kodty skanerlep, mártebesin kórsetý jetkilikti.
Bul týraly «Ulttyq aqparattyq tehnologiialar» AQ Basqarma Tóraǵasy Rostislav Koniashkin QR OKQ baspasóz konferentsiiasynda túsindirdi.
«Birinshiden, biz azamattardyń ótinishterin taldap, biznes-protsesti jetildirý jáne júieniń jumysyn turaqtandyrý úshin bastapqy kodty qaita jazdyq. Sodan keiin ony eGov mobile-ǵa shyǵardyq, endi telefon nómiri men JSN engizýdiń qajeti joq, tek avtorizatsiiadan ótip, QR-kodty skanerleý qajet. Sondai - aq, biz servisti Ekinshi deńgeidegi bankterdiń qosymshalaryna shyǵarý boiynsha jumystar júrgizdik», - dedi ol.
Qosymshanyń UAT AQ súiemeldeýine kóshýine bailanysty tehnikalyq jumystar protsesinde qosymsha jumysynda irkilister bolǵanyn atap ótken jón. Búgingi tańda jetildirý jáne turaqtandyrý boiynsha jumystar aiaqtaldy jáne júiede irkilister baiqalmaidy.
Qoǵamdyq oryndarǵa kirý úshin azamat Ashyq kómegimen arnaiy QR-kodty skanerleidi jáne qosymshada kórsetilgen mártebesin usynady. Mártebeler 4 túspen belgilenedi:
- Jasyl - bul kelýshiniń PTR-testileýi teris nátije kórsetti;
- Kók - PTR nátijeleri joq, bailanysta bolǵan adam retinde sanalmaidy;
- Sary - naýqaspen bailanysta bolǵan adam;
- Qyzyl - COVID-19 testiniń nátijesi oń.
Esterińizge sala keteiik, eldegi koronavirstyq jaǵdaiǵa bailanysty Ashyq eGov mobile qosymshasynda qoljetimdi boldy. Ásirese, kásip salasynda mindettelip jatqan bul baǵdarlama QR-kodty skanerleý arqyly da qyzmet etip jatyr.
Sonymen el azamattaryna kafe, kinoteatrlar, fitnes-klýbtar jáne basqa da qoǵamdyq oryndarǵa kirý úshin eGov mobile qosymshasynyń basty betindegi Ashyq belgishesin shertip, mekemege kire beristegi QR-kodty skanerlep, mártebesin kórsetý jetkilikti.
Aita keteiik, QR Bas memlekettik sanitarlyq dárigeriniń «Nur-Sultan, Almaty qalalaryndaǵy, Qaraǵandy jáne Aqmola, Aqtóbe, Jambyl, Almaty oblystary, kásipkerlik obektilerinde «Ashyq» mobildi qosymshasyn engizý boiynsha pilotty ótkizý týraly» qaýlysy sheńberinde «Ashyq» pilottyq jobasyn iske asyrý bastaldy.
Bul joba kásipkerlik nysandaryn: fitnes-klýbtardy, spa-ortalyqtardy, saýnalardy, basseinderdi, kompiýterlik klýbtar men boýling-klýbtardy tolyq jabýdyń balamasy retinde jáne olardyń jumystaryna shekteýlerdi ishinara alyp tastaý úshin iske qosyldy. Osylaisha, Biznes sýbektisi - jobaǵa qatysýshy qabyldanyp jatqan sanitariialyq sharalarǵa qosymsha baqylaýdy qamtamasyz etedi. Jobanyń taǵy bir artyqshylyǵy-kelýshiler men qyzmetkerlerdiń qaýipsizdigin qamtamasyz etý, óitkeni barlyq azamattar qoǵamdyq oryndarda ózin-ózi oqshaýlaý rejimin saqtamaidy jáne osylaisha virýstyń taralý qaýpin týdyrady.
