Egistik alqapty kiikter taptap tastaýynan shyǵynǵa batqan otandyq fermerlerdiń janaiqaiyna jaýap berildi, dep habarlaidy QazAqparat.
Ortalyq kommýnikatsiialar qyzmetinde ótken brifingte Aýyl sharýashylyǵy ministrligi ókilderine «Biz jýyrda Aqmola oblysy Egindikól aýdanyndaǵy aýylǵa bardyq, ol jerdegi fermerler kiik, aqbókenderdiń egis alqabyn búldirgenin aitty. Iaǵni, dala janýarlary egis alqabyn taptap jatyr eken. Oǵan ózimiz de kýá boldyq. Osy oraida fermerlerdiń shyǵyny ótele me? Jáne bul máseleni sheshý úshin ne istelip jatyr?» degen saýal joldandy.
«Rasynda da osyndai másele bar. Jumys babymen SQO, Qostanai jáne Aqmola oblysyn aralaý barysynda ózim de kórdim, sharýa ieleri de aityp jatty. Problema bar, biraz ziian keltirgen. Biraq kiikter - Ekologiia ministrliginiń quzyretindegi másele. Biz óz kezegimizde atalǵan ministrlikke hat joldadyq, jýyrda máseleni ekijaqty qarap, sheshimi tabylady degen oidamyz», - dep jaýap berdi QR Aýyl sharýashylyǵy ministriniń birinshi orynbasary Aidarbek Saparov OKQ-de ótken baspasóz máslihatynda.
Vitse-ministrdiń málimdeýinshe, ázirge fermerlerge kelgen shyǵyndy óteý jaǵy qarastyrylyp jatqan joq.
Jáne onyń aitýynsha, atalǵan másele eki ministrliktiń qatysýymen sheshilmek.
