ەگٸستٸك القاپتى كيٸكتەر تاپتاپ تاستاۋىنان شىعىنعا باتقان وتاندىق فەرمەرلەردٸڭ جانايقايىنا جاۋاپ بەرٸلدٸ, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندە ٶتكەن بريفينگتە اۋىل شارۋاشىلىعى مينيسترلٸگٸ ٶكٸلدەرٸنە «بٸز جۋىردا اقمولا وبلىسى ەگٸندٸكٶل اۋدانىنداعى اۋىلعا باردىق, ول جەردەگٸ فەرمەرلەر كيٸك, اقبٶكەندەردٸڭ ەگٸس القابىن بٷلدٸرگەنٸن ايتتى. ياعني, دالا جانۋارلارى ەگٸس القابىن تاپتاپ جاتىر ەكەن. وعان ٶزٸمٸز دە كۋە بولدىق. وسى ورايدا فەرمەرلەردٸڭ شىعىنى ٶتەلە مە? جەنە بۇل مەسەلەنٸ شەشۋ ٷشٸن نە ٸستەلٸپ جاتىر?» دەگەن ساۋال جولداندى.
«راسىندا دا وسىنداي مەسەلە بار. جۇمىس بابىمەن سقو, قوستاناي جەنە اقمولا وبلىسىن ارالاۋ بارىسىندا ٶزٸم دە كٶردٸم, شارۋا يەلەرٸ دە ايتىپ جاتتى. پروبلەما بار, بٸراز زييان كەلتٸرگەن. بٸراق كيٸكتەر - ەكولوگييا مينيسترلٸگٸنٸڭ قۇزىرەتٸندەگٸ مەسەلە. بٸز ٶز كەزەگٸمٸزدە اتالعان مينيسترلٸككە حات جولدادىق, جۋىردا مەسەلەنٸ ەكٸجاقتى قاراپ, شەشٸمٸ تابىلادى دەگەن ويدامىز», - دەپ جاۋاپ بەردٸ قر اۋىل شارۋاشىلىعى مينيسترٸنٸڭ بٸرٸنشٸ ورىنباسارى ايداربەك ساپاروۆ وكق-دە ٶتكەن باسپاسٶز مەسليحاتىندا.
ۆيتسە-مينيستردٸڭ مەلٸمدەۋٸنشە, ەزٸرگە فەرمەرلەرگە كەلگەن شىعىندى ٶتەۋ جاعى قاراستىرىلىپ جاتقان جوق.
جەنە ونىڭ ايتۋىنشا, اتالعان مەسەلە ەكٸ مينيسترلٸكتٸڭ قاتىسۋىمەن شەشٸلمەك.
