Astanada egipettik bloger túsirgen videoǵa bailanysty eki politsiia qyzmetkeri ishki ister organdarynan shyǵaryldy, dep habarlaidy ult.kz.
Astana qalasy Politsiia departamentiniń málimetinshe, qyzmettik tekserý júrgizilip, tártip saqshylarynyń qyzmettik ádep normalary men politsiia qyzmetkerlerine qoiylatyn minez-qulyq talaptaryn buzǵany anyqtalǵan.
Departament ókilderi politsiia qyzmetkeri qyzmettik mindetin atqaryp júrgende jáne nysandy kiimde mundai áreketterge jol bermeýi kerektigin atap ótti.
«Politsiia qyzmetkeri kez kelgen jaǵdaida kásibi araqashyqtyqty saqtap, belgilengen ádep normalaryn ustanýy tiis», – dep habarlady vedomstvo.
Qyzmettik tekserýdiń qorytyndysy boiynsha eki qyzmetker de ishki ister organdarynan shyǵarylǵan.
