«Egemen Qazaqstan» gazetiniń qyzmetkerleri koronavirýsqa qarsy kúreske birkúndik jalaqysyn aýdardy, dep habarlaidy "Ult aqparat".
Adamzatty alańdatyp otyrǵan daýasyz dertti anyqtap, indetpen kúrestiń alǵy shebinde júrgen dárigerler qaýymyna qoldaý kórsetýge shaqyrǵan bastamaǵa «Egemen Qazaqstan» gazeti de qosylyp otyr. Redaktsiia ujymy bir kúndik eńbekaqysyn arnaiy qorǵa aýdaryp, aq halatty abzal jandarǵa qarjylai kómek kórsetý týraly sheshim qabyldady.
Sondai-aq búgin Elbasynyń tapsyrmasy boiynsha «Kedergisiz keleshek», «Baqytty otbasy» jáne «Ardagerlerdi ardaqtaiyq» partiialyq jobalary aiasynda karantin jariialanǵan Nur-Sultan jáne Almaty qalalaryndaǵy jalǵyz basty qarttarǵa, múgedekter men turmysy tómen kópbalaly otbasylarǵa ataýly kómek kórsetý úshin 150 mln teńge baǵyttaldy. Sonymen qatar Tuńǵysh Prezident Keńsesiniń qyzmetkerleri koronavirýsqa qarsy kúreske birkúndik jalaqysyn aýdardy.
