«Egemen Qazaqstan» men «Kazahstanskaia pravda» gazetteri biriktirilip, derbes «Egemen Qazaqstan» aktsionerlik qoǵam retinde quryldy.
Bul týraly búgin óziniń Facebook paraqshasynda QR Aqparat jáne qoǵamdyq damý ministri Aida Balaeva málim etti, dep habarlaidy "Ult aqparat".
«Búgin otandyq aqparat salasynda taǵy bir úlken jańalyq boldy. Elimizdiń eń basty basylymdary – «Egemen Qazaqstan» men «Kazahstanskaia pravda» gazetteri biriktirilip, derbes «Egemen Qazaqstan» aktsionerlik qoǵam retinde quryldy. Onyń Basqarma tóraǵasy laýazymyna – elimizge belgili ziialy azamat Darhan Qýandyquly Qydyrálini taǵaiyndadym.
Ótken ǵasyrdyń basynda bir-birine qanattasa, birinen soń bir jaryq kórgen júz jyldyq jylnamasy bar qos gazet –halyqqa aqpar jetkizýde ózderine júktelgen mindetti abyroimen atqara bildi. Dese de, búgingidei aqparattyq tehnologiia qaryshtap damyǵan internet dáýirinde dástúrli baspasózdi zaman kóshine sai jańǵyrtyp otyrý – ýaqyt talaby. Sondyqtan Úkimettiń Qaýlysymen qabyldanǵan bul ózgeris otandyq medianyń damý baǵytyndaǵy kezekti mańyzdy qadam dep sanaimyn.
Árine, eki gazetti biriktirý – onyń bireýi óz jumysyn toqtatady degendi bildirmeidi. «Kazahstankaia pravda» gazeti óziniń qalyptasqan brendtik ataýyn saqtaidy. Basylymdy memlekettik aqparat tapsyrysy aiasynda qarjylyq qoldaý jalǵasady. Eń bastysy bul jýrnalisterdiń shyǵarmashylyǵyna eshqandai kedergisin keltirmeidi», - dedi ministr.
Onyń aitýynsha, qaita bir ortalyqqa birikken qos basylymnyń eldi aqparattyq-ideologiialyq turǵydan qamtý aiasy birizdenip, oqyrman aldyndaǵy tartymdylyǵy men sapaly kontent usyný áleýeti odan ary artady degen úmit bar.
«Biriktirý barysynda tek ákimshilik-sharýashylyq resýrstar qysqarady. Birinshi kezekte árine qarjy únemdeledi. Bul óz kezeginde, shyǵarmashylyq ujymnyń tabysyn arttyryp, sapalyq quramyn kúsheitýge tyń múmkindik bolmaq. Eń bastysy, respýblikalyq bas basylymdardyń mazmun-kontenti jańa sapaǵa kóterilip, básekege qabileti kúsheie túsedi dep sanaimyn», - deidi Aida Balaeva.
