EBRR basshysy Qazaqstanǵa aldaǵy onjyldyqta damytý kerek basym baǵyttardy atady, dep habarlaidy Baq.kz agenttigi.
Sýma Chakrabarti Memleket basshysy Qasym-Jomart Toqaevpen alǵash ret kezdeskenin aitty. Olar Qazaqstannyń strategiialyq damýy baǵytyn jáne oǵan úles qosýǵa nietti EBRR bankiniń rólin talqylaǵan.
«Búgingi bizdiń taqyrybymyz adami kapitaldy damytýǵa arnalady. Bul oraida men Qazaqstannyń Tuńǵysh Prezidenti Nursultan Nazarbaevty atap ótkim keledi. Ol basshy bolǵan kezde Sovet úkimetinen shyqqan Qazaqstan damyǵan, zamanaýi jáne tabysty elge ainaldy. Tipti osy sheteldik investorlardyń keńesin qurýdyń ózin, jańa reformalar men Astana Halyqaralyq qarjy ortalyǵynyń ashylýyn atap ótýge bolady. Osy oraida jańa prezidentke sáttilik tilegimiz keledi. Búgin tańerteń Qazaqstan Prezidentimen alǵash ret kezdestim. Qazaqstannyń strategiialyq baǵyty týraly jáne onyń barysynda men jumys isteitin EBRR bankiniń rólin talqyladyq», - dedi QR prezidenti janyndaǵy Sheteldik investorlar keńesiniń 32-shi plenarlyq otyrysynda Chakrabarti.
Eýropalyq rekonstrýktsiia jáne damý banki basshysynyń aitýynsha, ol basqaryp otyrǵan qarjy uiymy Qazaqstan ekonomikasyna 9 mlrd dollardan astam investitsiia quiǵan. Biyldyń ózinde 450 mlrd dollardan astam qarjyny Qazaqstanǵa bólgen.
«EBRR basshysy banki zamanaýi Qazaqstan qurylǵan kúnnen bastap jumys istep keledi. Sheteldik investorlar keńesi qurylǵanǵa deiin bastadyq. Bizdiń Qazaqstanǵa quiǵan jalpy investitsiiamyzdyń kólemi 9 mlrd dollardan asady, biyldyń ózinde 450 mln dollarǵa jýyq boldy. Biz óz úlesimizdi tek san jaǵynan emes, sapa jaǵynan da eseptedik. Osy jyly seriktesterimiz jańartylǵan energiia kózderine bailanysty 3 jobanyń kelisimshartyna qol qoidy. Bul jobalardyń jalpy quny 375 mln dollarǵa jetedi», - dedi ol.
Osy oraida bank basshysy ekonomikanyń damýy adam resýrsynan tys iske aspaitynyn atap ótti. Soǵan bailanysty Qazaqstan aldaǵy onjyldyqta basym berýi tiis 3 baǵytty atap, solarǵa bailanysty jobalar úshin jobany qoldaǵanyn aitty.
«Biz Qazaqstannyń jahandyq ekonomikadaǵy damýy aitqanda abstraktili oilamaýymyz kerek. Ekonomikanyń ózi adamdardan, olardyń ideiasynan, eńbek jáne ónidiristik áleýetinen, sonymen qatar, qajettilikteri men tańdaýynan turady. Jumys kúshiniń artýynan, orta kásibi jáne joǵary bilikti kásipke almasýynan Qazaqstan ekonomikasyna kóp paida keldi. Bul jerde jergilikti jumys kúshi aitarlyqtai azaiǵany baiqalatyn óte qatty damyǵan elderdiń tájiribesinen aiyrmashylyq baiqalady. Bolashaqta Qazaqstan ekonomikasynda orta deńgeidegi bilikti mamandyqtardyń azaiýyn jáne eńbek resýrstarynyń eskirýi múmkin. Oslaisha, memleket aldynda birneshe mindet turady. Birinshi, múmkindikter teńsizdigin azaitý, ásirese áieldermen bailanysty salalardy qarastyrý kerek. Ekinshi, jumysshylardyń ornyn saqtap, olardyń biliktiligin arttyrýǵa kómektesý. Sebebi olardyń jumys ótili ótken onjyldyqqa qaraǵanda uzaǵyraq bolady. Úshinshi, qalalyq ortalyqtarda jasyl infraqurylymdy damytý. Bul ónimdilikti arttyryp, ózderi aitarlyqtai jyldamdyqpen ózgeretin bolady. Osy 3 baǵyt boiynsha jumystyń qarqyndy júrip jatqanyn bilemin. Oǵan EBRR qatysyp jatqanyn aitý kerek. Biz osy jumysty Qazaqstanmen jalǵastyramyz dep oilaimyz », - dedi Sýma Chakrabarti.
Jiyndy ashqan QR prezidenti Qasym-Jomart Toqaev adam kapitalyn damytý – qazirgi mańyzdy másele» degen bolatyn.
