9 qazan kúni Erevanda josparlanǵan Eýraziialyq úkimetaralyq keńes otyrysynyń basty taqyryby koronavirýs infektsiiasynyń saldaryn eńserý máseleleri bolmaq. Bul týraly brifing barysynda EEK Alqasy tóraǵasynyń kómekshisi Iia Malkina málim etti, dep habarlaidy QazAqparat.
«Basty taqyryp - Odaqtaǵy sanitarlyq-epidemiologiialyq jaǵdai men jolaýshylar qatynasyn qalpyna keltirý. Bul másele ótkir bolyp otyr, barlyq elder men azamattar naqty sheshimderdi kútýde.
Taraptar qatynasty qalpyna keltirý qaýipsizdigi sharttarynyń tizbesine ýaǵdalasa alatynyna úmittenemiz», - dep habarlady I.Malkina.
«Eýraziialyq integratsiiany damytý jónindegi Strategiianyń qalǵan kelisilmegen pozitsiialary qarastyrylady. Bul másele boiynsha syndardy dialog ótetinine úmittenemiz.
Sondai-aq, kún tártibinde Odaqtyń ishki naryǵyndaǵy 2018-2019 jyldardaǵy alý jáne shekteýlerdi joiý máselesi tur», - dedi ol.
Budan basqa, premer-ministrler EAEO-da taýarlardy transulttyq elektrondyq saýdalaýdy retteýdiń negizgi baǵyttary men eksportty damytýdyń birlesken sharalaryn qarastyrady.
Sondai-aq, kún tártibinde EEK-tiń básekelestik jáne monopoliiaǵa qarsy retteý boiynsha Alqa múshesiniń kandidatýrasy qaralmaq, ony keiinnen memleket basshylary maquldaýy tiis. Eske sala ketsek, atalǵan oryn 14 qyrkúiekte Serik Jamanǵarin QR Básekelestikti qorǵaý jáne damytý agenttiginiń tóraǵasy bolyp taǵaiyndalǵannan keiin bosady.
Sondai-aq I.Malkina Armeniia, Belarýs, Qazaqstan jáne Resei premer-ministrleriniń Erevandaǵy kezdesýge qatysýǵa daiyn ekendigin málimdedi. «Qazirgi kezde biz Qyrǵyz Respýblikasynan qatysý formaty týraly habar kútip otyrmyz», - dedi ol.
