Ulttyq banktiń tóraǵasy Erbolat Dosaev Eýraziialyq ekonomikalyq odaqqa múshe memleketterdegi ortalyq bankterdiń Valiýtalyq saiasat jónindegi konsýltatsiialyq keńes otyrysyna qatysty, dep habarlaidy "Ult aqparat" Ulttyq banktiń baspasóz qyzmetine silteme jasap.
Konsýltatsiialyq keńestiń negizgi mindetteri valiýtalyq saiasatty úilestirý máselesi boiynsha EAEO-ǵa múshe memleketterdiń ortalyq bankteri arasyndaǵy yntymaqtastyqty damytý jáne tereńdetý, onyń ishinde infliatsiialyq protsesterge jáne makroekonomikalyq turaqtylyqqa syrtqy kúizelisterdiń keri áserin azaitý jónindegi saiasat sharalaryn ázirleý.
Otyrysqa qatysýshylar EAEO elderiniń qazirgi ekonomikalyq ahýalyn, aqsha-kredit saiasaty máselelerin, qarjy júiesin turaqtandyrý jáne memleketterdiń ekonomikasyna koronadaǵdarystyń qolaisyz saldaryn azaitý jónindegi sharalardyń tiimdiligin, sondai-aq ekonomikalyq belsendilikti odan ári nyǵaitý boiynsha josparlardy talqylady.
Sonymen qatar taraptar EAEO qarjy naryǵyn retteý jónindegi ulttyq organdardan joǵary turatyn organdy qurý máselesin, onyń bolashaq ókilettikterin, qarjylandyrý kózderin, sondai-aq EAEO organdary júiesindegi mártebesine toqtaldy. Ulttyq organdardan joǵary turatyn organdy qurý 2014 jylǵy 29 mamyrdaǵy «EAEO týraly» Kelisimde, sondai-aq 2019 jylǵy 1 qazandaǵy «EAEO Ortaq qarjy naryǵyn qalyptastyrý» tujyrymdamasynda kózdelgen.
Otyrys barysynda qatysýshylar EAEO-ǵa múshe memleketterdiń aýmaǵyndaǵy bank jáne saqtandyrý sektorlarynda litsenziialardy ózara tanýǵa kelisilgen tásilderdi aiqyndaityn standarttalǵan litsenziia týraly kelisim jobasyn qarastyrdy.
