ۇلتتىق بانكتٸڭ تٶراعاسى ەربولات دوساەۆ ەۋرازييالىق ەكونوميكالىق وداققا مٷشە مەملەكەتتەردەگٸ ورتالىق بانكتەردٸڭ ۆاليۋتالىق ساياسات جٶنٸندەگٸ كونسۋلتاتسييالىق كەڭەس وتىرىسىنا قاتىستى, دەپ حابارلايدى "ۇلت اقپارات" ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
كونسۋلتاتسييالىق كەڭەستٸڭ نەگٸزگٸ مٸندەتتەرٸ ۆاليۋتالىق ساياساتتى ٷيلەستٸرۋ مەسەلەسٸ بويىنشا ەاەو-عا مٷشە مەملەكەتتەردٸڭ ورتالىق بانكتەرٸ اراسىنداعى ىنتىماقتاستىقتى دامىتۋ جەنە تەرەڭدەتۋ, ونىڭ ٸشٸندە ينفلياتسييالىق پروتسەستەرگە جەنە ماكروەكونوميكالىق تۇراقتىلىققا سىرتقى كٷيزەلٸستەردٸڭ كەرٸ ەسەرٸن ازايتۋ جٶنٸندەگٸ ساياسات شارالارىن ەزٸرلەۋ.
وتىرىسقا قاتىسۋشىلار ەاەو ەلدەرٸنٸڭ قازٸرگٸ ەكونوميكالىق احۋالىن, اقشا-كرەديت ساياساتى مەسەلەلەرٸن, قارجى جٷيەسٸن تۇراقتاندىرۋ جەنە مەملەكەتتەردٸڭ ەكونوميكاسىنا كوروناداعدارىستىڭ قولايسىز سالدارىن ازايتۋ جٶنٸندەگٸ شارالاردىڭ تيٸمدٸلٸگٸن, سونداي-اق ەكونوميكالىق بەلسەندٸلٸكتٸ ودان ەرٸ نىعايتۋ بويىنشا جوسپارلاردى تالقىلادى.
سونىمەن قاتار تاراپتار ەاەو قارجى نارىعىن رەتتەۋ جٶنٸندەگٸ ۇلتتىق ورگانداردان جوعارى تۇراتىن ورگاندى قۇرۋ مەسەلەسٸن, ونىڭ بولاشاق ٶكٸلەتتٸكتەرٸن, قارجىلاندىرۋ كٶزدەرٸن, سونداي-اق ەاەو ورگاندارى جٷيەسٸندەگٸ مەرتەبەسٸنە توقتالدى. ۇلتتىق ورگانداردان جوعارى تۇراتىن ورگاندى قۇرۋ 2014 جىلعى 29 مامىرداعى «ەاەو تۋرالى» كەلٸسٸمدە, سونداي-اق 2019 جىلعى 1 قازانداعى «ەاەو ورتاق قارجى نارىعىن قالىپتاستىرۋ» تۇجىرىمداماسىندا كٶزدەلگەن.
وتىرىس بارىسىندا قاتىسۋشىلار ەاەو-عا مٷشە مەملەكەتتەردٸڭ اۋماعىنداعى بانك جەنە ساقتاندىرۋ سەكتورلارىندا ليتسەنزييالاردى ٶزارا تانۋعا كەلٸسٸلگەن تەسٸلدەردٸ ايقىندايتىن ستاندارتتالعان ليتسەنزييا تۋرالى كەلٸسٸم جوباسىن قاراستىردى.
