«E-qyzmet» aqparattyq júiesi 2023 jyldyń sońynda iske qosylady. Bul týraly QR Memlekettik qyzmet isteri agenttigi tóraǵasynyń orynbasary Berik Berkimbaev aitty, dep habarlaidy QazAqparat.
«Prezident Jarlyǵy Memlekettik qyzmet isteri agenttigine birneshe maqsatty júktep otyr. Ol aldymen – «E-qyzmet» aqparattyq júiesiniń bazasynda memlekettik qyzmetke irikteý jáne qabyldaý protsesin tolyqtai tsifrlandyrýdy, sondai-aq ony barlyq memlekettik organdarda engizýdi jáne keńinen taratýdy qamtamasyz etý. Ótken jyldyń ózinde memlekettik qyzmetke kelý úshin testileýge qatysqandardyń 50 paiyzdan astamy ǵana ony sátti tapsyryp ótken», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, kóp jaǵdaida testileý ortalyqtary oblys ortalyqtarynda ornalasqan. Mysaly, Qytaimen shekaralas Narynqol aýylynan Almaty qalasyna deiin 340, al oblys ortalyǵy Taldyqorǵan qalasyna deiin 550 shaqyrymnan astam jol júrý kerek.
«Odan keiingi áńgimelesý kezeńi boiynsha birneshe másele bar. Ótken jyly 28 myńǵa jýyq irikteý boiynsha konkýrs jariialansa, oǵan 46 myńnan astam azamat qatysyp, nátijesinde tek 15 400 úmitker memlekettik qyzmetke iriktelip alyndy. Bul jerde de qoljetimdilikke qatysty suraq týyndaidy. Mysaly, mańǵystaýlyq jerlesimiz Nur-Sultan qalasynda jariialanǵan áńgimelesýge qatysý úshin myńdaǵan shaqyrym qashyqtyqty eńserýi qajet. Osylaisha, irikteýdiń ár kezeńine qatysý úshin kóptegen azamat jol shyǵynyn, odan bólek kúndelikti jumysynan suranyp, bos ýaqytyn arnaýy kerek. Árine, «E-qyzmet» aqparattyq júiesi arqyly memlekettik qyzmetke irikteý protsesiniń barlyq kezeńderin avtomattandyrý, qashyqtan qatysý joǵaryda atalǵan máselelerdi sheshetini anyq. Osy jumys kelesi jyldyń aiaǵyna deiin aiaqtalady», - dedi Berik Berkimbaev.
