Foto: Olympic.kz
Qazaqstandyq Erǵali Shámei 2024 jylǵy Paralimpiada oiyndarynyń kúmis júldegeri atandy, dep habarlaidy "Ult aqparat" Olympic.kz saityna silteme jasap.
Sportshy para dziýdodan tuǵyr biigine kóterildi. Erǵali 73 keli salmaqta (J1 sanaty) finalǵa deiin jetip, aqtyq synda rýmyniialyq Florin-Aleksandrý Bologaǵa jol berdi.
Osylaisha, Parijdegi Paralimpiada oiyndaryn kúmis medalmen aiaqtap otyr.
Aita ketelik, Paralimpiada oiyndaryndaǵy Qazaqstan quramasynyń júldeler sany jeteý.
Altyn medaldi David Degtiarev (para paýerlifting) pen Aqmaral Naýatbek (para dziýdo) jeńip alsa, mergen Erkin Ǵabbasov pen júzgish Nurdáýlet Jumaǵali kúmiske qol jetkizdi. Qola júldegerler qatarynda Dastan Muqashbekov pen Daiana Fedosova bar.
