فوتو: Olympic.kz
قازاقستاندىق ەرعالي شەمەي 2024 جىلعى پاراليمپيادا ويىندارىنىڭ كٷمٸس جٷلدەگەرٸ اتاندى, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
سپورتشى پارا دزيۋدودان تۇعىر بيٸگٸنە كٶتەرٸلدٸ. ەرعالي 73 كەلٸ سالماقتا (J1 ساناتى) فينالعا دەيٸن جەتٸپ, اقتىق سىندا رۋمىنييالىق فلورين-الەكساندرۋ بولوگاعا جول بەردٸ.
وسىلايشا, پاريجدەگٸ پاراليمپيادا ويىندارىن كٷمٸس مەدالمەن اياقتاپ وتىر.
ايتا كەتەلٸك, پاراليمپيادا ويىندارىنداعى قازاقستان قۇراماسىنىڭ جٷلدەلەر سانى جەتەۋ.
التىن مەدالدٸ داۆيد دەگتيارەۆ (پارا پاۋەرليفتينگ) پەن اقمارال ناۋاتبەك (پارا دزيۋدو) جەڭٸپ السا, مەرگەن ەركٸن عابباسوۆ پەن جٷزگٸش نۇردەۋلەت جۇماعالي كٷمٸسكە قول جەتكٸزدٸ. قولا جٷلدەگەرلەر قاتارىندا داستان مۇقاشبەكوۆ پەن دايانا فەدوسوۆا بار.
