Tanymal bloger Juldyz Jaýynbaevanyń Aqmaral esimdi assistenti keshe tikelei efirge kirip, onyń sońǵy videolaryna pikir bildirdi, dep habarlaidy ult.kz Sn.kz aqparat portalyna siltep.
Onyń sózinshe, Djýzefina kógergen jerlerin óz boiaýy múmkin, al úidiń jalǵyz qyzy bolǵandyqtan ony áke-sheshesi mápelep ósirdi.
Odan bólek, ol jeke postynda blogerdiń oǵan ailyq tólemegenin jazǵan.
“Meniń atym Aqmaral. Men eki balany jalǵyz tárbielep otyrǵan anamyn. Balalarymnyń biri – erekshe bala, oǵan aýtizm diagnozy qoiylǵan. Sondyqtan oǵan turaqty túrde arnaiy sabaqtar, erekshe kóńil bólý jáne qosymsha qarjylyq shyǵyndar qajet. Osy sebepti men kóp jumys isteimin jáne tapqan árbir teńgeme úlken jaýapkershilikpen qaraimyn.
Naýryz ben mamyr ailary aralyǵynda bloger Jýzefinamen birge jumys istedim. Uzaq ýaqyt boiy bul jaǵdaidy jariia etkim kelmedi jáne sońyna deiin máseleni ózara beibit jolmen sheshemiz dep úmittendim. Men birneshe ret WhatsApp arqyly Jýzige tólenbegen eńbekaqym týraly jazdym, alaida eshqandai jaýap ala almadym.
Sonymen qatar, óz qarajatymnan onyń jeke shyǵyndaryna shamamen 100 000 teńge jumsadym. Bul aqshany keiin qaitarylady degen senimmen qaryzǵa alǵan edim. Alaida búgingi kúnge deiin ol qarajat qaitarylǵan joq. Sonyń saldarynan men tek eńbekaqymsyz qalyp qana qoimai, alǵan qaryzymdy da ózim óteýge májbúr bolyp otyrmyn.
Bul jaǵdai týraly aitý úshin qandai da bir yńǵaily sátti kútken joqpyn. Kerisinshe, sońyna deiin jaýap alyp, máseleni jariialamai sheshýge tyrystym. Biraq eshqandai jaýap ta, naqty sheshim de bolmaǵandyqtan, bul týraly kópshilikke aitýǵa sheshim qabyldadym.
Meniń maqsatym eshkimdi qorlaý nemese kemsitý emes. Men tek adal eńbegimmen tapqan aqymdy alyp, ádildikke qol jetkizgim keledi. Óitkeni bul oqiǵanyń artynda tek men ǵana emes, kún saiyn jaýapkershiligin arqalap júrgen balalarym da tur.
Jýzi, eger osy jazbany kórseń, menimen bailanysqa shyǵyp, óz mindettemelerińdi oryndaýyńdy suraimyn.
Joǵaryda jazylǵandardyń barlyǵy naqty faktilerge negizdelgen. Qajet bolǵan jaǵdaida ony qolymdaǵy hat-habarlarmen jáne ózge de dáleldermen rastai alamyn”, - dep jazdy ol.
