1 qyrkúiekte Vashingtondaǵy Aq úide AQSh prezidenti Djo Baiden Ýkraina basshysy Vladimir Zelenskiimen kezdesti. Bul - Zelenskiidiń Ýkraina prezidenti retinde Aq úige alǵash barýy.
Vladimir Zelenskii Ýkrainanyń tutastyǵyn qoldaǵany, Vashingtonǵa kelýge shaqyrǵany úshin Djo Baidenge alǵysyn bildirip, 13 sarbazynyń Aýǵanstannan ózazamattary men keibir aýǵandardy evakýatsiialap jatqanda terrordan qaza bolýyna bailanysty AQSh-qa kóńil aitty.
"Aýǵanstandaǵy evakýatsiia máselesine qarai Djo Baiden men Vladimir Zelenskii kezdesýi bir kúnge shegerilgen edi" deidi «Amerika daýysy".
Zelenskii kezdesý kezinde qaýipsizdik salasynda AQSh-pen ózara yntymaqtastyq nyǵaia túsedi dep úmittenetinin, Ýkrainanyń NATO-daǵy róli men AQSh-tyń Ýkraina shyǵysyndaǵy konfliktini beibit retteýdegi rólin Baidenmen talqylaǵasy keletinin aitty. Ol sonymen qatar Ýkraina shyǵysyndaǵy separatistik aýmaq pen Reseide tutqyndalyp, qamaýda otyrǵan adamdardy bosatýǵa kómektesýdi surady. Kievtiń Vashingtonǵa bergen mundai tiziminde 450 adam kórsetilgen.
Ýkraina prezidenti Resei Baltyq teńiziniń túbi arqyly Germaniiaǵa jetip, Ýkrainany ainalyp ótetetin "Soltústik aǵys – 2" gaz qubyry qurylysyn AQSh-tyń toqtata almaǵany qatelik bolǵanyn, bul jobany Máskeý qolyndaǵy geosaiasi qarý dep sanaitynyn bildirdi.
Djo Baiden Zelenskiimen kezdeser aldynda búkil Eýropada beibit jáne erkin ómir kórgisi keletinin, AQSh Ýkraina egemendigin qoldai beretinin málimdegen. Biraq sonymen birge AQSh Ýkrainadan demokratiiany nyǵaita túsetin tereń reformalar kútetinin de ańǵartqan.
Zelenskii sózinde AQSh Qorǵanys ministri Lloid Ostin aldaǵy aptada Ýkrainaǵa keletini aityldy. Buǵan deiin AQSh Kievke 60 million dollar kóleminde kezekti áskeri kómegin bergen. Sóitip Vashingtonnyń Kievke jyl saiyn beretin áskeri kómegi 400 million dollarǵa jetken. AQSh esebine qaraǵanda 2014 jyly Donbasta konflikt bastalǵaly Ýkraina AQSh-tan 2,5 milliard dollardan astam kómek alǵan.
