1 قىركٷيەكتە ۆاشينگتونداعى اق ٷيدە اقش پرەزيدەنتٸ دجو بايدەن ۋكراينا باسشىسى ۆلاديمير زەلەنسكييمەن كەزدەستٸ. بۇل - زەلەنسكييدٸڭ ۋكراينا پرەزيدەنتٸ رەتٸندە اق ٷيگە العاش بارۋى.
ۆلاديمير زەلەنسكيي ۋكراينانىڭ تۇتاستىعىن قولداعانى, ۆاشينگتونعا كەلۋگە شاقىرعانى ٷشٸن دجو بايدەنگە العىسىن بٸلدٸرٸپ, 13 ساربازىنىڭ اۋعانستاننان ٶزازاماتتارى مەن كەيبٸر اۋعانداردى ەۆاكۋاتسييالاپ جاتقاندا تەرروردان قازا بولۋىنا بايلانىستى اقش-قا كٶڭٸل ايتتى.
"اۋعانستانداعى ەۆاكۋاتسييا مەسەلەسٸنە قاراي دجو بايدەن مەن ۆلاديمير زەلەنسكيي كەزدەسۋٸ بٸر كٷنگە شەگەرٸلگەن ەدٸ" دەيدٸ «امەريكا داۋىسى".
زەلەنسكيي كەزدەسۋ كەزٸندە قاۋٸپسٸزدٸك سالاسىندا اقش-پەن ٶزارا ىنتىماقتاستىق نىعايا تٷسەدٸ دەپ ٷمٸتتەنەتٸنٸن, ۋكراينانىڭ ناتو-داعى رٶلٸ مەن اقش-تىڭ ۋكراينا شىعىسىنداعى كونفليكتٸنٸ بەيبٸت رەتتەۋدەگٸ رٶلٸن بايدەنمەن تالقىلاعاسى كەلەتٸنٸن ايتتى. ول سونىمەن قاتار ۋكراينا شىعىسىنداعى سەپاراتيستٸك اۋماق پەن رەسەيدە تۇتقىندالىپ, قاماۋدا وتىرعان ادامداردى بوساتۋعا كٶمەكتەسۋدٸ سۇرادى. كيەۆتٸڭ ۆاشينگتونعا بەرگەن مۇنداي تٸزٸمٸندە 450 ادام كٶرسەتٸلگەن.
ۋكراينا پرەزيدەنتٸ رەسەي بالتىق تەڭٸزٸنٸڭ تٷبٸ ارقىلى گەرمانيياعا جەتٸپ, ۋكراينانى اينالىپ ٶتەتەتٸن "سولتٷستٸك اعىس – 2" گاز قۇبىرى قۇرىلىسىن اقش-تىڭ توقتاتا الماعانى قاتەلٸك بولعانىن, بۇل جوبانى مەسكەۋ قولىنداعى گەوساياسي قارۋ دەپ سانايتىنىن بٸلدٸردٸ.
دجو بايدەن زەلەنسكييمەن كەزدەسەر الدىندا بٷكٸل ەۋروپادا بەيبٸت جەنە ەركٸن ٶمٸر كٶرگٸسٸ كەلەتٸنٸن, اقش ۋكراينا ەگەمەندٸگٸن قولداي بەرەتٸنٸن مەلٸمدەگەن. بٸراق سونىمەن بٸرگە اقش ۋكراينادان دەموكراتييانى نىعايتا تٷسەتٸن تەرەڭ رەفورمالار كٷتەتٸنٸن دە اڭعارتقان.
زەلەنسكيي سٶزٸندە اقش قورعانىس مينيسترٸ للويد وستين الداعى اپتادا ۋكرايناعا كەلەتٸنٸ ايتىلدى. بۇعان دەيٸن اقش كيەۆكە 60 ميلليون دوللار كٶلەمٸندە كەزەكتٸ ەسكەري كٶمەگٸن بەرگەن. سٶيتٸپ ۆاشينگتوننىڭ كيەۆكە جىل سايىن بەرەتٸن ەسكەري كٶمەگٸ 400 ميلليون دوللارعا جەتكەن. اقش ەسەبٸنە قاراعاندا 2014 جىلى دونباستا كونفليكت باستالعالى ۋكراينا اقش-تان 2,5 ميلليارد دوللاردان استام كٶمەك العان.
