AQSh prezidenti Djo Baiden 2024 jyly prezident sailaýyna qatysqysy keletinin sársenbi kúni resmi túrde málimdedi, dep habarlaidy Azattyq radiosy.
"Densaýlyǵym qazirgidei jaqsy bolsa, óz kandidatýramdy usynamyn", – dedi ABC telearnasy tilshisiniń saýalyna jaýap bergen prezident Baiden.
"Eger Respýbikalyq partiia atynan eks-prezident Donald Tramp shyqsa, onymen básekelesýge daiynsyz ba?" degen suraqqa Baiden myrt etip kúldi.
"Donald Trampqa qarsy kandidatýramdy ne úshin usynbasqa? Bul meniń sailaýǵa qatysý múmkindigimdi arttyrady" dedi ol.
Buǵan deiin eks-prezident Donald Tramp 2024 jyly sailaýǵa qatysýy múmkin ekenin meńzegen.
Djo Baidenniń kelesi prezident sailaýyna túsý-túspeý máselesi amerikalyq baspasózde keń talqylanyp jatyr. Buǵan prezident reitinginiń quldyraýy sebep boldy.
79 jastaǵy Baiden taǵy bir márte prezident sailaýyna tússe, ol AQSh tarihyndaǵy eń jasy úlken kandidat atanady. Keibir málimetke qaraǵanda, Baiden prezident qyzmeti úshin kúresten bas tartsa, Demokratiialyq partiia vitse-prezident Kamala Harris pen kólik ministri Pit Býtidjichti prezidenttikke kandidat retinde usynýy múmkin.
Ótken aptada Aq úi ókili Djo Baidenniń prezidenttikke kúresetinin aitty. Al Kamala Harris vitse-prezidenttikke úmitker bolady. Wall Street Journal gazetiniń málimetinshe, Djo Baiden vitse-prezident Harrispen 2024 jyly Aq úi úshin birge kúresý múmkindigin ázirge talqylamaǵan.
