Qazaqstannyń Djentlmender klýby belgili kásipker Oralbek Botbaidyń qoldaýymen Arys turǵyndaryna 10 mln teńge aýdardy, dep habarlaidy "Ult aqparat".
«Qazaqstannyń Djentlmender klýby belgili kásipker, óz eliniń naǵyz patrioty, úlgili djentelmen Oralbek Botbaidyń qoldaýymen Arystaǵy otbasylardyń qajettiligi úshin 10 mln teńge aýdarady. Qazaqtar eshqashan birin-biri qiyn kezeńde tastap ketken emes. Bizdiń osynaý kóp ǵasyrlyq izgi dástúrimiz HHI ǵasyrda da jalǵasyn tapty», - dep jazdy klýb kóshbasshysy Arman Qashqynbekov facebook paraqshasynda.
Eske sala ketsek, Qazaqstannyń Djentlmender klýby buǵan deiin de muqtaj otbasylarǵa kómek kórsetip keledi. Buǵan deiin klýb músheleri óskemendik 7 balaly otbasyǵa úi alatyn aqsha bergen bolatyn.
«Osynaý bastama kóptiń nazaryna ilige bastady. Bastamaǵa bizdiń biznesmen dosymyz Oralbek Botpai da qoldaý kórsetetinin jetkizdi. Osylaisha, biznesmenniń qoldaýymen búgin «Qazaqstan barysy-2019» týrniriniń qorytyndysynda kópbalaly otbasyǵa bir úidiń qarajaty tabystaldy. Iaǵni, óskemendik otbasyǵa jasalǵan qoldaý - Djentelmender klýbynyń baspana syilaý boiynsha ekinshi jobasy. Óskemendegi 7 balaly otbasynyń otaǵasy ǵana jumys isteidi. Aiadai bólmeni jaldap turyp jatqan otbasyǵa osylaisha úi alyp berýdi sheshtik», - degen edi klýb kóshbasshysy.
